Kalay Peng Chung Kahdohnak Ah PDF-Kalay (3) Nunnak Liam, A Dang (6) Nih Hliam An Tuar! Kalay peng nitlaklei sang Pyitawthar khua pawngah April 13 ah khan tualchung hriamtlai phu fonhmi le SAC ralhrang ralkap karlak ah kahdohnak a chuak i, Kalay PDF Battalion (3) ah ralkap pathum nunnak a liam pinah a dang (6) nih hliam an tuar tiah thawng kan theih.
Hliam tuartu hna cu hriamngan puahnak nih a hliammi an si i, thinphan awk an um lo tiah tuanvo ngeitu sinin theih a si. SAC ralhrang ralkap hna cu Maing Nue khua leiin phu khat, Caung Taih le Setaw U khua leiin phu khat, fonh ah phu hnih bakin ralkap thazaang (300) tlukin kahdohnak an tuah caah Phitawthar khua pawngah PDF Kalay, Zomi-PDF, PDA, CNDF,
CDM Siyin, ပကဖ fonhmi phu nih zinglei sml 10:00 in zanlei sml 3:00 tiang an kahdoh hna. Cu kahdohnak ah SAC ralhrang ralkap leikap ah a tlawmbik (5) an thi lai tiah zumh a si tiin PDF-Kalay nih cathanh an chuah. Cu ni zanlei sangah Nan Chaung khua in Setaw U, Caung Taih khua leiah SAC ralhrang ralkap rual cu an i let than tiah kan theih. Crd: Zalen
A Dang Thawng Relchap; SAC Ralhrang Ralkap Nih Natchaung Khua Chung Minung Umnak Inn Mei Khangh Than! Kalay peng, Yan Gyi Aung khua in April 10 zinglei sml 11:00 ah kahdohnak tuah dingin a kalmi SAC ralhrang ralkap motor le ke in a kalmi ralhrang 140 hrawng cu Khui Cing khua chuahnak hlei pawngah VAKOK-CNDF Battalion (2) Brigate (1) le KKG (CDF) fonhmi phu nih naihniam taktakin an rak kah hna i,
zanlei sml 4:00 ah SAC ralhrang ralkap hna cu Chaungkhua khua chungah an phan hna hnuah inn bauh hratin innchung thilri an fir. Natchaung khua chungum minung umnak inn le Natchuang bazarpi cu ningcang loin mei an khangh cuahmah lioah VAKOK-CNDF Battalion (2) Brigate (1) le KKG (CDF) fonhmi phu nih Chuangkhua le Natchung khua karlak ah pehzulh in ralhrang ralkap pawl he an i kap than.
SAC ralhrang ralkap leikap ah 10 nak tam cu dawm ah an cang i, mipi ralkap fonhmi phu leikap ah hliam tuarmi umloin an i zukphiak kho. Mipi ralkap le SAC ralhrang ralkap karlak ah kahdohnak hi zeitik caan paoh ah a chuak kho caah mipi hna nih caan karlak cu Kalay-Gangaw karlak lampi in khualtlawng lo dingin zangfah kan in nawl hna. TFT
Relchap; Ramdang Bawmhnak Umbak Loin TEINAK Hmuh Hi… Mawkhi Sakhan Raldohnak ah hmapu mi Rallokap cu ni (3) tiang chung an lak khawh hna lo. Monwya lutchuak gate ah Hmatpungṭin checktu cu PDF an si cang. Budalin Palik Sakhan tuknak ah Monywa in bawmhtu Rallokap an kuat khawh bak tilo. Palik (17) an thi. PDF nih Sakhan an lak. Khuate lawng siloin Myo fate zong rallokap nih hip in an uk khawh rihlo.
Sakai ah ralnamh an duh ah Kaya ram in rallokap cu an cah hna. Loikaw tiang PDF nih an bawh hna caah Kaya in an chuak ter ti hna lo. Lampi zulh ngam loin, Ramlak le tupi chung lam umlo nak bak ah zulh in Sangaing tiang an ra. Nichuak Nitlak Chaklei Thlanglei an tlikzam nak ah Kanan Lambar (2) phir minput rallokap rual (Ṭatma) cu an baa tuk cang. Cucaah Raldohnak ah Captain tampi cu, an nung in an tlaih lengmang hna, atu le tu ti awk in.
MAH santlai lo le Hriamnam tlamtlin lo ruangah siloin, Rallokap piatana cu hi bak asi ko cang. Minung in siseh, Raltuk thiamnak in siseh, Rallokap cu an thazang a zawr tuk cang. Cohlan duh lomi hna nih Cunglei upa sinah buhang le Thanthling cawh mi an liak ter hna. Thawng hmanlo in in report an tuah zungzal. Tisa bak in an hmai ah an tawih ko hna.
Piosawṭhi sin in Rallokap tampi kan hmuh lai tiah an I ruahchan nain asi tilo. Piosawṭhi anpek mi hriam ṭhaṭha rual cu PDF nih fawi tukin an lak piak tawn hna. Hi hnu zong ah an lak chap rih te lai. Cucaah Piosawṭhi rual cu hriam ṭhaṭha an pek ngam ti hna lo. Leilawng in duhchung I chawkvak khawhnak Kawlrawn bak ah, Paucan bak ah, ansung cikcek ko. Tukum Furcan tiang an intuar khawh men ti lai lo. Fur dih zong ah PDF nih hrem deuh dawh in thil a kal.
Chinram ah Rallokap cu Khuapi chung lawng ah an um ngam cang. Leng chuak an ngamh bak ti lo. Chinram he a tlangthluan aaraung bakmi Magway ramṭhen zong ah Rallokap cu hremh le thah thotho ansi caah an lungdongh hrinhran cang. 2022 May Thla dihhlan ah CDF / PDF / LDF cihmih ding ti asi nain asi tilo. Amah Rallokap Cihmih awkin biktaling in thil aum cang.
Chinram Paucan dohthlennak cu Mipi kan hlawhtlin tuk hrinhran ko tiah Tehte khan tu asi. NUG siseh, Ramdang siseh, hriamnam le ralkap thilri he bawmhnak aum rih lo nain, hitlukin TEINAK kan hmuh cang caah, Mipi kan lungdongh hrimhrim hlahseh. Hriamnam in NUG nih an kan bawmh khawh ve NI khi cu TEINAK cu kan ta asi ko cang. Vawleipi ah Hriamtling lo le Hriam ṭha ngeih bak loin TEINAK ahmuhco mi ram hi ram (2 ~ 3) nak tam aumlo. Crd: Zingtincuai Cinzah
Be First to Comment