Mipi Hriamtlai Nih SAC Ralkap Minung 6 A Nung In An Tleih Hna, Pakhat An Kah Thah

Kayin ramkulh, Myawaddy peng Kone Lay khua lei ah March thla 13 ah KNLA, DKBA a phufonh hna nih SAC ralkap minung 2 cu Sniper in an thah hna i, minung 6 cu a nung in an tlaih hna, tiah KNLA sin in theih a si. Nizan Kawkareih(ကော့ကရိတ်) – Myawaddy ( မြဝတီ)

Asia lampi ah KNLA phufonh hna le SAC ralkap hna an i kah lio ah Laykekaw khua thar le Woolaymyiang lam zong ah KNLA nih lam an kham hna i Kone Lay khua lei ah a ra mi SAC ralkap 4 cu an nung in an tlaih hna, tiah KNLA ṭuanvongeitu pakhat nih a chim.

Cu pinah Kone Lay(ကုန်းလေး) sakhan in thawngla ding i leng a chuak mi SAC ralkap 2 zong a nung in tlaih an si. Kone Lay khua ah a um mi SAC ralkap sakhan chung cu KNLA nih Sniper in an kah i SAC ralkap 2 an thi, tiah theih a si. Kayin ramkulh,

Myawaaddy khuapi thlanglei Laykekone khuathar ah a luancia kum December thla in SAC ralkap hna cu an lut i kahdohnak hram an rak thok. Atu March thla tiang in kahdohnak cu pehzulh in a chuak rih. Kahdohnak ruangah khua mi le a hmunhma um mipi hna cu Thailand ram lei ah a zaam mi zong an um, tiah theih a si.

Atu zong ah Myawaddy -Kawkareih Asia lampi ah kahdohnak a chuak i, kahdohnak ruangah lampi cu a pih dih caah khualtlawng mipi hna zong thinphang le harsa ngai in an tlungkal hna, tiah theih a si. Credit: The Chin Post

Putin cu ai chuahsual hringhran ko, a tuk hlan a ngai tuk lai nain hnu kir awk ah a tlai cang fawn. Putin caah a caan donghnak zong si dawh a si.

Tutan Ukraine kong ah Pu Biden nih Europe a hruai hna lo, an hnu in a dawi hna. SWIFT in Russia bank pawl block ding zong hmasa ah cun Biden nih a duh lo, nain Europe nih block ding an ti hnu ah ‘elaw’ a ti ve than.

Biden nih Europe a hruai hna lo nain an hnu in a dawi hna i an tangti kho ngai ko. Thiltha a chuak ko. Pu Trump nih hruai hna sehlaw atu tluk an lung ai rual kho hnga maw ti hi ka ruat pah ve. Nain, Trump hmai ah cun Putin a lor ngam lai ka zum ve lo.

Russia vanlawng vialte NATO ram pawl luh a ngah ti lo, bank vialte pehtlaihnak SWIFT in Russia bank pawl an block cang hna tikah Russia phaisa man a zor tuk. Iran bantuk in an hrem cang. An sipuazi a thaw chuah ai harh tuk cang lai.

Putin le MAH bantuk mihrut an sem hi kan van a chia tuk, an hruh tuk ruang ah vawleicung mikip harnak kan ton dih hi a si. Salai Lungthli tum