Press "Enter" to skip to content

Mipi Laklawh Lo Nak Dingah Tuzan Tiang Trump Le Pu Joe Biden An Dirhmun Fianternak

A tulio vawlei cung a hnin cuahmah tu US rampi ithimnak kongah a tawifian nak in tlawmpal te fianternak tuah ka duh.zeicatiah a deu thawngpang le a dik or hman mi thawngpang theih khawh a si ti lo.kan lai media nih thawng pang kan tar tik ah a dik lo,a hman lo tiah ca reltu mipi nih sualphawt le lihchim kan puh mi hna hi a ngaingai tiah cun a dik mi a si loh.vawlei cung thawngpang kan zoh tik ah a deu thawngpang a tartu hna tampi an um.cucu kan tar tik ah a dik mi a si le a hman mi a si kha fian a har ngaingai.kan mah tein vawlei cung thawngpang zoh chih lengmang ve kan herh.

A cunglei tlang kan tar mi bantuk in a tu lio cu vawlei cung thawngpang kan zoh tik ah US thawngpang deuh lawngte tarlangh cio an si.micheu nih Trump kha an sunghter i Joe Biden tu kha President a si tiah a aupi mi tampi kan hmuh.cu ve bantuk in Joe Biden cu sunghter in Trump kha President a si tiah an thanh nak tampi a um ve t’hiam. cucu zeitin dah a hman mi le a dik mi cu kan i fian khawh ne lai?atu tiang Trump le Biden karlak ah zeidah an lawh or an dirhmun a si?

Vote result an phuan hnu Joe Biden nih tei nak a hmuh in Trump nih ningcang lo in vote fir le vote hlawnh,kum thlinglo vote a um,mithi vote an itel ti ruangah state zei maw zat ah super crime court voting fraud “lawsuit” taza an i cuai cuahmah.asinain Supreme Court nih tuchun tiangah biachahnak a tuah piak mi hna cu Joe Biden nih vote a hmuh ningah Dotla lo mi vote kan hmu loh.Joe Biden vote kan kherhlai tik ah biaceihtu hna nih cun kan i lungsi ko”certified” ko tiah an phuan cang.a ruang cu Trump campaign nih tehteh an hal mi hna an neih lo caah le an hmuhsak khawh hna lo ruangah a si bik. amah belte state kip ah taza cuainak an tuah mi ruangah a tu tiang “result certified” cu thil sining te in phuan taktak a um hraw rih lo.

Michigan le Pennsylvania hna nih cun vote official results thanhnak ding can cu November 23 tiang lawng can an nei.Key swing states hna nih cun a tu in ni 9 tiang lawng an nei.Wisconsin’s counties nih official results phuan nak dingah ni 3 te lawng can an nei.Georgia belte December 1 tiang can an nei.vote official results phuan nak hi a donghnak December 1 tiang khi a si kho.Georgia state chungah cun vote tla cia mi kha kut bak in an rel t’han cuahmah.cun thil laklawh ngai a si mi cu “November 23 deadline” tiah an phuan cang fawn.December 1 ah khin states 6 Governor’s hna nih vote kongah lungtlin nak an tuah te lai.cu hnu lawngah a ho dah US President cu a si ti ah i fian khawh dingmi a si.

Cucaah micheu nih cun Joe Biden tham cu project President lawng a si rih.US ram uktu le pentu President tlamtling a si lo tiah an chim.January 20 ah a tling mi paoh US President rian khinh an si lai i,cu tik lawngah biafiang theih khawh dawh in kan um.cu hlan ah cun Lai media lawng kan si lo.vawlei pi nih aa hmaichan cuahmah mi a si ve ti kha carel tu nih kan theih awk a si.Jan. 20, 2021 ni khi “Presidential inauguration” a si lai caah kum dang nak in a sung lawi khun lai.zeicatiah Joint Congressional Committee – Inaugural Ceremonies Chairman Sen. Roy Blunt, Senate Majority Leader Mitch McConnell, Senate Minority Leader Chuck Schumer, House Speaker Nancy Pelosi hna he bia tak tein bia al nak a chuak t’han te lai caah US tualchung kongah thlacam cuahmah a herh.

Note: Lai Media ah ningcang lo in cathlah mi tampi kan um men ko lai na in kan i khat cio lo. Lai media tiah ningcang lo bia le dotla lo biafang in comment nak ah i pek phung a si lo.vawlei cung thawngpang t’ha tein rel ve law,khua zei ta dah a lak ti mi na fiang hnu ah cherhchan a fek mi na neih ah cun comment nak ah ningcang tein ruahnak,hmuh ning langhter tu i zuam usih.

Be First to Comment

Leave a Reply

Your email address will not be published. Required fields are marked *