Press "Enter" to skip to content

Mipi Lei Ah A Tang In Ralkap Uk Nak A Duh Lo Tu Palik Pakhat Nih A Ton Mi Thil Cu Celhding A Si Loh

Tanintharyi ramthen Myeik khuapi i ralkap uknak duhlonak langhter in lam zawh nal a nei ve mi mipi lak pakhat a thinlung ai thlen ruang ah cuka hmun ah cun a vai i tel ve i biachim nak can zong a hmang ve.

Amah cu mipi duh lo nak a langh tertu lam a zawh mi pawl a kham tu ding le a thloh tuding ah a vai i telmi a sinain, ralkap uknak a duh lo tu mipi pawl an tam tuk ruang ah khan a va phanh hnu ah ruahlo piin a thinlung ai thlen caah mipi lei ah cun a tang ve than. Mah cu longhmanh duhtawk rih loin motor cung ah a kai i awthang ngai khin biachim nak zong a nei ve.

Cu bantuk i a cawlcangh hnu minute 30 hrawng a rauh ah khin a mah cu an tleih. A hnuah a nupi le a chungkhar pawl he i tong ding in mipi nih an nawlpiak caah tonnak can cu an pek. A kongkau cu zeitin dah an ceihpiak lai i cupin ah hremnak zong zei bantuk tluk fak in dah an pek lai timi cu zeihmanh theihkhawh a si tih loh tiah thawngtheih a si.

Myanmar ralkap nih nawlneih nak an lak hnu ni 9-nak ah cun Myanmar ram chung ah hin duhlo nak langhter in mipi lamzawh nak in can hmang mi an tam thluahmah i, Palik pawl zong an hrang chin thluahmah ve cang. Tuni February 9 lawngah ah hin hliamhma faktuk in a tuar mi an tam tuk cang. Naypidaw ah palik nih meithal an puah thluahmah cang i Mandalay ah mithli tlaknak bomb an puah thluahmah cang. Credit : VAPUAL AUAW

Be First to Comment

Leave a Reply

Your email address will not be published. Required fields are marked *