Press "Enter" to skip to content

Mipi lei Ah Tangin Myanmar Hackers pawl Caalcangh Hram An I Thok Cang

Theipatawp chuah in ralkap uknak a doh cuahmah tu hna mipi lei tang in computer thiamsang Myanmar hackers pawl zong cawlcangh hram an i thok cuahmah cang. A ho te pawl dah an si timi cu langhter a si loh nain, February 17 zinglei in chiat hram ai thok mi Central Bank of Myanmar website, Tatmadaw True News Information Team website tvk chiatchuah tu kan mah Myanmar Hackers pawl kan si tii`n Facebook cahmai ah an langh ter.

β€œKan i timh bik mi cu cozah kumpi nawlneih nak latu ralkap cozah hnuh thlak ding hi a si. Curuangah ralkap cawlcangh nak a rak baam tu le dirpitu cozah zung website vialte cu online ah biatak tein kan doh mi hi a si tiin Myanmar Hackers group nih cun an langh ter.

Cupin ah cun online ihsin ralkap cozah website pawl olsamtein hrawh khawh nak ding ah link pakhat cu Facebook cahmai ah an langh ter i β€œna kut hmang bak in ralkap cozah doh.dingah rak kan telpi aw tiin ca an tial. Cyber attack an neih i an bat bikmi cu Directorate of Investment, Trade Department, Customs Department, Ministry of Commerce, MRTV le ralkap media a si mi Tatmadaw True News Information Team, Myawady TV tipawl an si.

Myanmar Hackers cawlcangh nak thawng in zarah Central bank, True News Information Team, Myawady TV le Trade Department website pawl cu February 17 caw nithum zingah riantuan kho ti lo ding in an rawk dih. Credit : Falam Online Media

Be First to Comment

Leave a Reply

Your email address will not be published. Required fields are marked *