Mipi Nih PDF Hna Cu Pangpar Hen An Don Hna

Mizapi Vengtu Ralkap (PDF) Phu Hna Cu Mipi Nih Pangpar He An Donhna.

Magway ramthen Saw peng ralhrang phu le mi zapi vengtu ralkap phu kar kahdohnak a chuah dih hnu ah mizapi vengtu ralkap PDF hna cu mipi nih Awng Ta Pay(ေအာင္သေျပ) pangpar i put in an don hna.

Relchap; Magway ramthen, Saw peng Ginling(က်င္းလိန္) khuapawng November 19 ni kahdohnak ah Chin mizapi vengtu ralkap CDF khanak in ralhrang helocopter pakhat cu a khu tampi he Kyaukhtu vanlawng tumnak ah emergency in a tum tiah PDF-Saw nih cathanh an chuah.

Ginling (က်င္းလိန္) khuapawng nizaan ralhrang he kahdohnak ah CDF, YDF, PDF- Saw phufonh hna cu an tengti, ralhrang phu lei in minung 40 leng an thi i PDF-Saw in minung 1 a nunnak a liam tiah theih a si.

Cu kahdohnak ah ralhrang phu lei nih Mi35p phun kahdohnak vanlawng cu hmang in vanlei in an kan kah tiah mizapi vengtu ralkap phu hna nih an chim. Crd; The Chin Post