Sagaing ramṭhen, Northwest Military Headquarters(နမခ) in SAC ralkap mawṭaw pahnih a chuak i, Nizan May 8 chun hrawng ah bomb puahhnawh an ton caah SAC ralkap 15 nak tlawm lo a thi, hliamhma pumi zong an tam, tiah Chu Mai Mai Yinmarpin-Kani ṭangrual phu(ချိုမိုင်းမိုင် ယင်းမာပင်-ကနီ)
sin in theih a si.
“A voi khatnak kan puahhnawh hna ah mawṭaw in an ṭum i ke in an ka, Cu hnu ah bomb kan hmanh mi pawng an phanh bak ah kan puahhnawh hna, hriamngan zong in voi 6 kan kah hna, Cucaah hiti tam ngai an thih hi a si,” tiah Luchu Mai Mai-PDF nih an langhter. Cu kahdohnak ah Chu Mai Mai Yinmarpin-Kani ṭangrual phu, Democratic Guerillia Force (lower chindwin) Anonymous Heores People Defence Force Dynamite Heores BDL People Defence Force hna nih an puah hna, tiah theih a si.
SAC ralkap lei in 15 an thi i, hliamhma pu mi an tam tuk ko nain Chu Mai Mai Yinmarpin- Kani ṭangrual phu lei in a thimi le hliam pumi kan um lo, tiah ralkap nih a chim. Sagaing ramṭhen cu SAC ralkap, Pyusawthi le PDF hna kahdohnak a fahngainak hmun a si i, SAC ralkap lei in a thi mi le hliamhma pumi an tam taktak nak hmun a si. Credit; The Chin Post
Thawngdang Relchap>>>>><<<<< Sagaing ramtthen, Khin Oo peng chungah SAC ralkap nih inn 1400 leng an khangh cang tiah Khin U Support Organization – KSO nih nihin May 9 ah cathanh an chuah. Khin Oo pengah khuakomh 64 le Khua 150 leng an um i khua 29 khangh an tong tiah theih a si. A tutiang ah inn 1408 an khangh cang i Sagaing ramtthen chungah inn khanghpiak a tambik tongmi an si tiah theih a si.
Nizaan, May 8 ah SAC ralkap nih Min Kyuah khua inn 16 an khangh tthan , Inn Pat khua hi a tambik khanghpiakmi an si i Inn 305 duahpiak an si. Data For Myanmar i May 1 cathanh a chuah ning ah cun Sagaing ramtthen chungah SAC ralkap nih inn 7503 an khangh cang tiah a langhter.
Sagaing ramṭhen chung ah lam cheukhat cu, ahohmanh nih zulh/ hman rih lo ding in Knight Commanders nih, ralrin peknak cathanh an chuah. Monywa-Myinmu-Madalay lam hna, Htisaung-Ayataw(ထီးဆောင်း-အရာတော်) lam le Myinmu peng chung um lam, peng pakhat le pakhat aa pehnak lam vialte cu, nihin May 9 thok in a hohmanh kal rih lo ding le ralrin kan in pekmi hi mizapi nih, nan zulh hrimhrim nak hnga kan in nawl hna, tiah an thanh.
Sagaing khua, Nilar sang um pakhat nih, Sagaing ramṭhen chung khuate hna cu SAC ralkap nih mei in an khangh tuk hna caah teirul cham ṭhan ding in cathanh an chuah hi a si kho men, tiah a chim. Ralrin kan in pekmi hna hi mizapi nih ṭha tein nan kan zulhpiak ahcun ral zong kan tei lai. Kal lo awk ṭha lo dirhmun a phanmi nan um sual pingpang hmanh ah, nan kan chimh hmasa lai. Cun, SAC ralkap mawṭaw a hnu in nan zul lai lo, nan kal hrimhrim lai lo, tiah an langhter. Crd; The Chin post
Be First to Comment