Press "Enter" to skip to content

Mipi Ralvengtu Bu Hna Nih An I Tinhmi An Hlawhtling

Mipi dothlengtu phu (PRA) nih kuankhat rawnmi rifle meithal sernak cu kan hlawh a tling tiah rianngeitu pakhat nih a chim. Ramleng ah cu meithal cawktik ah sing 6 le cheu pek a si, a tu ah cun kan sermi hlawh a tling cang. Kan sermi hi sing khat le cheu a dih tiah PRA phu in rianngei bu-Nay Min nih a chim.

” Ramleng ah cawkmi meithal nak in tlamtlin deuhnak zong a um, kuan rawnnak thok in a caan tawi te chungah rianrang in rawn chuah khawh a si.Kuan a kalning zong hmundang cawkmi nak in tlamtlinnak tampi a um ko.

Kan harnak cu a thilri cawknak dah ti lo cun a tlam tling dih ko. November 15 ni thok in ser thok a si i a ti hi kan hlawh a tling,a tu hi caan tawite chung ah meithal 75 ser chuah khawh a si cang”.

PRA phu dirhmun in point 22 kuan rawn in kah khawhmi (ခြောက်လုံးပြူး) meithal zong a tu ah serchuah ding in timhlamh a si cang, ralhrang uknak cu a dongh tiang doh ding ah timhtuahnak kan ngei tiah a chim. Crd; The Chin Post

Nagaland ah Security Force ralkap hna nih civil mi 13 an kahthah hna kongkau cu India Prime Minister Narendra Modi nih Senior Minister hna biaruahnak a ngeihpi hna. Hi hnu ah nizan zanlei ah khan Union Home Minister Amit Shah nih cun Nagaland buainak kongkau hi Parliament ah a chim. Amit Shah nih cun Nagaland kongkau hi nizan zalei suimilam 3 ah khan Lok Sabha ah a chim hmasa i, a hnu ah Rajia Sabha ah a chim than.

Nizan Parlianment tonpumhnak ah hin cozah eptu party lei nih cun Nagaland in Home Ministry(ralkap) cawlcangh ning cu faakpi in an soisel hna. MP Manish Tewari nih cun thil sining cu High Court Judge pawl nih hlathlai ding in a duh kong a chim. Cozah eptu Party hna nih cun, civil mi sawhsawh ralthuam zong a ngei lo mi, hriamtlai phu ah an ruah sualnak hna kong le, intelligence sin in bia dik lo an theih ning kong cu fiang tein Parliament ah chim ding in an hal. Hi chimfiannak hi Home Minister lawng siloin Prime Minister Narendra Modi le Defence Minister Rajnath Singh hna zong nih chim ve ding in an hal hna.

Home Minister Amit Shah nih cun, Nagaland i thil a cang mi cu ‘a poi’ an ti tuk kong a chim i civil mi, mithi chungkhat hna zong a tuarpi hna nakkong a chim. Thil sining fiangfai tein hlat ding in le hi bantuk palhsulanak a um ti nakhnga lo Ministry of Home Affair nih Additional Secretary a chiah colh kong le Department dang vialte theihternak a pek cang kong zong a chim. Home Minister Amit Shah nih cun hriamtlai phu an ra lai tiah theihternak an don ruangah ralkap commando 21 nih Mon district ah an bawh hna. Motor a rak tli mi cu dir ding in an ti nain a dir duh lo caah hriamtlai phu an si lai tiah ruat in an kah hna, tiah a chim. An palh sual a sinak kong le thlakhat chung tengteng ah thil sining chu SIT hna nih fianh khawh an i zuam lai, tiah a chim fawn.

Amit Shah nih cun hi thil a can hnu ah khua mi hna nih ralkap camp cu an kulh colh i ralkap cu hriam in a dih colh hna, ralkap nih hin anmah runvennak ah meithal an puah i civil mi pasarihdang an thih chap, ralkap lei in pakhat a thi ve, tiah a chim chap. Buainak tam deuh a chuah nakhnga lo ralkap dang zong chiah chap an si cang, hi kong ah hin Army II Corps Headquaters zong nih an tuarpinak hna le poi an ti tuk ve nak kong cathanh an chuah cang, tiah a chim. Crd; The Chin Post

Be First to Comment

Leave a Reply

Your email address will not be published.