Press "Enter" to skip to content

Mipi sin ah:Donald Trump nih’lunglawm nak bia a chim cang hi.

Coronavirus zawtnak ruang ah hmundang teah chiah lio mi President Trump nih vawlei cung hmunkip ah a um mi hna sinah lunglawmh nak bia a rak chim.

President Trump le First Lady hna cu Covid-19 positive an si tiah thawngpang fiang tein theih a si hnu ah Joe Biden le Obama telh chih in vawlei cung mi vialte ti awk tluk in an caah thlacam piak cio an si nak kong cu Social Media le News Paper hna hmang in rak langhter cio a si.

Ramkhel dirhmun ah fak piin thazaang a chuah mi hna US ramchung mipi vialte hna zong nih President Trump le First Lady caah damnak an hmuh tuan nak hnga tiin thlacam nak cu an ngeih piak cio hna. Joe Biden lei a ttang mi pawl hna hmanh nih President Trump le First Lady caah thlacam nak an ngeih piak hna nak kong an rak langhter cio.

Hi kong he pehtlai in President Trump nih a chim mi cu “Kan i ruahkhawh leng tiang in kan caah thlacam nak an kan ngeih piak tu nan dihlak cung ah lunglawmh nak ka rak langhter duh ko. Siizung ah felfai tein thlopbul ka si hnuah ngandam tein nan sinah ka rak kir than hrim ko lai.

Cun First Lady zong ngandam tein a rak kir than ve hrim ko lai ti hi ka fiang tuk fawn. Hi bantuk in kan caah thlacam nak nan kan ngeih piak mi ruang ah upat nak kan pek hna i man ngei tuk ah ka chiah mi zong a si ti hi nan dihlak sinah langhter le thawngthanh kan duh hna” tiah President Trump nih cun a chim.

Be First to Comment

Leave a Reply

Your email address will not be published. Required fields are marked *