Press "Enter" to skip to content

Miss Ai Zuam Ding Nungak 30 Cu Hlei Cung I Hman An I Thlak Lio Ah An Dir Nak Hlei Hri A Cat I Faktuk In An Mual A Pho Pin Ah Hliamhma Tuarmi An Um

Kan hnu deuh a luan cia mi ah khan a rak lar taktak mi a si. Thailand ram Miss ai zuam tu ding pawl cu December 7 ah khan hmunkhat ah vakti ding in tlang tlun cawlhhmun timi ah an kal hna i, hman i thlak ti nak le video tawi laknak i zeih nak an va nei. An phanh nak cawlhhmun timi cu covid 19 ruangah saupi an rak khar cang mi a si i December 6 lawngah an on than mi hmun a si.

Cu Cawlhmun timi ahcun umnak phunphun tuah a si i hmun remcang kawl in hman an i thla hna Video zong an i zeih pah thluahmah. Cu Cawlhhmun chung i hlei ahcun Miss zuam ding nungak 3o rual pawl cu a tlartlar in an dir hna i tuanvo neitu pawl nih cun hman an thlak hna.

Video zong an zeih pah hna. hlei cung i hman an i thlak pah cuahmah lio ah cun, hlei hri an sih mi a cat i an zapi te cun a tang tiva tai can a si mi ah an tla dih. A cheu khat an tap, a cheu an ni a cheu tappah nipah in an um a cheukhat cu lungre thei in an um. An lak i minung pa 3 cu an zualhma deuh i motor an kawh colh i sizung ah an kalpi colh hna.

Cawlhmun cu Thailand ram Mae Tai Township Chiang Mai Districk tlang i a um mi a si i mi pakhat luh man cu Thailand tangka in 30 a si. Cawlhhmun chung i hlei cu minung tam bik ah 25 long kal khawh a si pin ah minung 30 an si fawn cun, hlei cung ah sautuk dirbu in hman an i thlak caah hlei nih a tuar hna loh le a cah mi hi a si tiah tuanvo neitu nih an chim. Culawng siloin Cawlhmun neitu nih cun hlei cu thadeuh in an remh lai tiah a chim i Miss ai zuamtu ding nungak 30 pawl cu lungthin thadam nak ah tangka ting 5 un hlan mi an si. ( DVB )

Be First to Comment

Leave a Reply

Your email address will not be published. Required fields are marked *