Press "Enter" to skip to content

‘Misual In Ka Pasal An That” Tin A Ṭap Ciamco, Cumi Hnuah Amah An Kai

June 28, 2021 ah Indonesia, Papua Province, Jayapura ramsung ah thil rapthlak zet a thleng. Nunau kum 25 mi cu lamzin kap ah thihnai thawn a ṭap ciamco ih lamzin ih tlan pawl hnenah bawmnak a dil.

Misual 4 in an rok ih a pasal cu nam in an dawt that, cun amah cu au lo dingin an hringhro hnuah an sumpai pawl an laksak thu a sim. A pasal kum 44 mi cu siizung ah an tlanpi hngal nan an runsuak thei nawn lo ih a thi.

A pasal taksa parah nam ih dawtnak hliamhma 20 lenglo aum, an innsang cu an riahsia tuk ih kum noten nuhmei ah a cang. Police pawlin thilumdan an zingzoi vivo ih an nupa karlakah thildik lo aum in an theisuak, an sulhnu pawl an hai vivo hnuah innsang nubik in tlangval arak nei thup ti an thei.

A tlangval in a taksa parah a hmin VLH tin a ngan. Cun, a tlangval thawn a pasal ih sumpai le rothilri pawl laksak an duh ruangah a pasal cu that dingin misual an ruai. Thil ziangkim an theihfiang hnuah innsang nubik le a tlangval cu an kai ih an thil tuah rapthlak zet khal an phuangaw.

An thatmi a pasal cu milian zet a si, a tantami a innsang pawl cu an mo parah an thinheng tuk. Cun an mosual cu ahlan ih an hnenum ih fanu a si, an fapa thawn an duhawk hnuah hlunghlai zetin an neiaw. Ahlan khalah an mo in thilsual arak tuah ṭheu nan an fapa in a duh tuk ruangah a nauhak tuk lai ih thil a theithiam hrih lo tin a ngaithiam ṭheu thu pawl an rel. A duh tuk ih arak ngaithiam ṭheu ruangah thihnak a tong phah. (Source: Tribun News) Meifar

Be First to Comment

Leave a Reply

Your email address will not be published.