Mitlau: Kalay TatOo Thida (6) Ah Khuasa Mi Pu Dal Van Mung I, A Fanu Zam Lam Cing (kum 12) A Tlau, A Hmu Mi Nih A Tanglei Ph.No Ah Pehtlaih Kho Si Ee!

Mitlau: Kalay, TatOo Thida (6) ah khuasa mi Pu Dal Van Mung i a fanu Zam Lam Cing (kum 12) cu nihin, May 12 zing slm 11:00 hrawng ah inn in a chuak i tutiang inn a hlam lo caah chungkhar lungrethei in an um. Zam Lam Cing hi Chinland, Tedim in Kalay ah a ra mi an si i an umnak zong a sau rihlo caah Kawlholh zong a thiam tuk lo. . A hmu mi nih a tanglei phone number ah pehtlaih ding in kan in nawl hna. – 09448699624, 09887334812. Credit: The Chin Post

Thawngdang Relchap>>>><<<< Kharkiv khua kiangkap khuate Russia nih an lakmi pawl cu Ukraine ralkap nih an chuih khawh viar nawn cang hna, tiah British Intelligence nihcun a ti. Russia cu sungh lei lawngte a panh cang caah US le NATO cu nuclear in Dmitry Medvedev nih a hrocer than hna. US le a hawi le ram nih hriamnam thatha tamtuk Ukraine an bawmhmi cu a celh a celh ruam tilo.

Finland nih le NATO luh ai tim cang fawn, Russia thazaang nih a tlinhlo tihi ai theihtuk ve i an biachim paoh ah nuclear kong rumro an chim. Cu nih a sawh duhmi cu thazaang in zeitihmanh in a chei hna lo tinak khi asi. Tutan ral hi 1950-1953 Korea War lio i China minung 1.5 million nih N. Korea an rak bawmh i, US General Douglas MacArthur nih N. Korea tei kan duh ahcun China tuk chih lawlaw a herh a rak ti phun khan Russia nih Ukraine tei cikcek aduh asi ahcun US le NATO a tei hmasa hau dawh asi ve. Credit; Chelsea Bawi

Covid ruang le SAC uknak lak ruang ah caan saupi khar cang mi Kalay University cu Nihin, May 12 ah on tthannak an tuah cang nain Sianginn kai ding in min a pe mi minung 362 lawng an si tiah kan theih.

Kan hnu April 18 khan University kai ding nih min pek khawh le sianginn ap khawh a si cang tiah an rak thanh i May 12 tiang ah Kumkhatnak kai ding minung 60, Kumhnihnak 72 , Kumthumnak 48 nih min an pek i ”Honorary , le Master’s Degree Courses kai ding minung 72 hrawng le 2020 tanghra awng mi kumkhatnak kai ding minung 104 nih min an pek.

Kalay University ah a kai ding mi Sianghgakchia dihlak hi 9175 an si nain a tutiang ahcun mimung 362 lawng min pe mi an si rih i Sianginn on nikhatnak ah min pe mi minung 362 chung ah 22 lawng sianginn an kai i 340 an kai lo.

Kalay University Caan karlak ukhruaitu zong nih Ram le Miphun caah a nunnak pe mi sianghngakchia hna mithmai zoh in nu le pa hna nih fale sianginn kaiter lo ding in May 6 ah forhfialnak a rak tuah.