Press "Enter" to skip to content

Mizapi Sinah CYLA Nih Nawlnak Cathanh An Van Chuah Taktak Cang

CYLA NIH MIZAPI SIN NAWLNAK CATHANH. West Lairam, Lawngtlai, 14 Zing 2022 : Tulio kan ramchung ah rithaisii ( Heroin/4) lut a tam ngai caah mizapi nih harsatnak kan ton, rithaisii nih lemthar mi an tam i, khuatlang ah thilfir le sualnak a kharh ngai fawn, chungkhar tampi hna nih harnak an ton ngaingai ko,

hi thil vialte a can tikah Center YLA nih cun poi a ti i, rithaisii dohnak ding caah theihtawk chuah in hmalaknak ding Central YLA Executive Committe tangah CYLA Drugs Reduction Squad (CDRS) a dir i, hi Squad nihhin Brand YLA hna he tuankhat in rithaisii ( Heroin/4) dohnak hma an lak cuahmah.

Rithaisii doh hi zaanghleicawi mi ca lawng cun thilfawi a si lo caah , Khrihfabu le mizapi tuankhat a hau mi a si. Hi rithaisii dohnak ahhin ruahlo pi’n kuthlaknak le harsatnak phunkip a chuak kho mi a si caah YLA nih rithaisii a dohnak ah Lawngtlai pengkomh ( District) mizapi le Khrihfabu kip nih thlacam piak cio dingin kan in nawl hna.

Rithaisii ruangah ram le khuatlang nih harnak kan ton – chungkhar thencheunak, zawtnak tha lo le, nunnak tiang nih a tuar, rithaisii nih lemtuk ruangah kan unau hna taksa le Thlarau chanhchuah an si nakhnga CYLA Drugs Reduction Squad (CDRS) le Branch YLA hmalaknak hi dirkamh in,

rithaisii hmang tawnmi chimhhrin le a zuartu tlaihkhih khawhnak caah a si khawhchung in i bawmchan dingin Lawngtlai pengkomh (District) mizapi kan in sawm hna i kan in nawl duh fawn hna. “Rithaisii Ruangah A Zawmi Kan Ram Damter Dingin Tangrual Hna Usih” Crd: The Lairam Times

RELCHAP; Delhi Ah A Umi MIi Kan Unau Nu Cu A Miphun Hawi Lila Nih An Thah!!! Lalruatkimi kum 26, PuChhuansanga fanu(Thingsulthliah khua mi) a hnu ah Thenzawl Field vengah a pem cang mi cu zahan 13 septembar 2022 zanlei ah khan Delhi a inn hlannak ah Mizoram mi,a mah tangka a battu hna nih thi lak in an vuak tiah theih a si.

Open photo

Thawng kan theihning ahcun,Delhi a um ve mi a hawi le nih cun, Lalruatkimi cu a tangka an bat piak i,an leiba ai ah thilri an peek ,cu an peek ko cang mi cu an chuhpiak tthan i,a nih nih cun,tangka nan ngei ko ttung le tangka tu in ka pe ko ne uh a ti hna,cu le cangka Kimi cu an hro cawlh i,sizung ah na um duh maw,kan in vuak lai le na cei ko lai an ti.

Cuticun zahan zanlei suimilam 2:00pm hrawng ah khan Nu nih a pa A pa Pu.chhuansanga hi phone in a chonh,ka pa kha mi hna kha an ra tthan le ka ttihtuk hna ,pa an van ihruai hna le tiah a pa cu a chimh.Cu ti a pa a cihionh hnu cun zeithawng hmanh theh a s ti lo.H hnu ah hiin a hawi le nih cun a mah te in ai awk tiin police sinah an theihter.Asinain a ruak an van zohtik ahcun,a hnar le a ka in thisen a chuak mi cu a thih hnu tiang a thi cu a chuak peng.

Open photo

Lan theih ning ahcun,Hi mi sual hna hi Delhi police hna nih an tleih cang hna,an ti.Lalruatkimi ruak hi,Mizoram , Thenzawl ah an phurh lai.Mah le mah hibantuk ruang hna i i thah hi cu a poi hringhran ko,tantak mii,Bawipa nih hnem ko hnaseh. Credit: Tin Duh Thang

Be First to Comment

Leave a Reply

Your email address will not be published. Required fields are marked *