Mizo Gospel Singer Pu Vanlalsailoa Nih A Nupi Surprise A Tuahmi Cu Uar A Um Kho Taktak Si, Zoh An Nuam Taktak Si (+VIDEO)

Mizo hlasakthiam Vanlalsailoa le a dl nu cu an rem kho taktak si. Vanlalsailoa nih a dl surprise a tuahnak video zoh cu lungthin tha a dam taktak si. Rak zoh ve hna hmmanh uh, uar an um kho taktak si. Atang bik te ah Video in zoh kho a si lai.

Relchap; VANLENTINE DAY LE RALTEINAK ORDER Part (1) Rome Emperor SPH Claudius II Caesar chan (AD 268–270), ah Ramchung le Ramleng he Tupung an tho mi le dohnak tampi aum. Claudius Min dik cu Marcus Aurelius Claudius “Gothicus” asi. 10 May 214 ah a chuak i January or April 270 ah Plague of Cyprian timi Pulrai in a thi. Claudius II I a SPH min cu Imperator Caesar Marcus Aurelius Claudius Augustus asi. Gothic Ral Teitu asi caah Gothicus min an bet.

Claudius II Ralkap hna cu ral an sung lengmang. SPH nih an nupi le an ngai tuk hna caah ral an sung tiah a ruah. Pa poah nupi ngeih lo ding le ṭhitumnak tuah lo ding in Rampi ah Order a chuak. A tuahtu cu thihdan pek asi lai ti asi.

Siangbawipa Valentine (Priest and Physician) nih aa duhmi hna cu Lehthahnak le Ṭhitumnak cu a thli tein a tuah piak tawn hna. Fr. Valentine cu thong an thlak lio ah thongukbawi Astertius fanu Julia cu a mitcaw mi asi. Valentine cu Siibawi le Siangbawi asi. Fr. Valentine siithlawpnak le thlacam piaknak in Ms. Julia cu khua ahmuh. Mr. Asterius te cu Rome Biaknak in Krifa an cang ve.

Thihdan pek dingin thongtlami Fr. Valentine cu Ms. Julia nih Rose Pangpar le Chocolate cu Nifatin a va pek tawn caah ni a rau tikah LOVER an si. Fr. Valentine an thah lai I Palik cu catlap ka pek uh a ti I, Ms. Julia cu caa a kuat. A cakuat donghnak ah “ Yours Valentine” tiah a ṭial. Cucu Valentine Day camtuak poah ah Cakuatnak ah an hman cio hna. Fr. Valentine cu AD 269 February 14 ah thihdan an pek.

AD 496 ah Pope Gelasius nih Fr. Valentine Mithiang (Saint) sinak a cohlan I St. Valentine tiah a min kawh asi cang (Saint Valentine was established by Pope Gelasius I in AD 496). RC nih St. Valentine Feast Day hi kum fatin an tuah piak lengmang. Feast Day sullam cu Happy Birthday timi Chuah Camtuak sunlawi tinak asi. St.

Valentine an thahnak hmun ah Valentine Biakinn pi an sak I, thihdan an pek ni February 14 cu Dawtu le Dawtmi hna Ni Sunglawi tiah an fek ter.

Cholate (Chokkalat) pek mi sullam: Nu hna nih an Duhdawtnak (Duhdawtmi) kha kaa in an chimh ngam lo. Thinlung takin kan duh / kan dawt ko ti langh ter nak ah Cholate cu lamkaltu ah an hman. Nihin ni tiang.

American ram February 14 Valentine Day ah Duhdawt nak card an I kuat mi zat hi 200 million leng asi. Japan ram le USA lawngah Valentine Day caah an hman mi phaisa bualtlak hi US Dollar 100 – 150 million asi ti asi. A tam meisei khi asi ko. By- Joseph R Thang

Thantlang Sakhan Kan Lak Cu Kawlram Pumpi le Vawleipi Lawmhnak Asi. Thantlang Rallokap Sakhan Kan Lak Mi Cungah Aa lawmh lomi cu Kanmah chung an si lo. Cu aa lawmh lomi hna cu Mifir le Damiah an si ko hen cu. Dalaan bak an si ko. Thantlang Rallokap Sakhan (Palek Teleng) kan lak mi cu Pau Dohthlennak ah khuapi lak hmasat mi asi.

Cucaah NUG NUCC CRPH EAOs PDF LDF CDF le Mipi cu aa lawmh lomi kan um lo. Politicians kip le Pau Dohthlentu Fanau vialte nih Khuapi laknak raldoh puai ah kan hlawhtlin ee tiah kan I lawmh I kan cawnglawmh cio.

KNU humhual ram asimi Kawkarei le Cia Inn Seici, tbk Khuapi cu an lak ko nain Rallokap he hnatlaknak an ngeih I an pek ṭhan hna.

Tehte: KNU Brigade 4 le PDF buaibainak kha nan hngalh cio mi asi ko. Rallokap Meithal an lak cia mi zong an pek ṭhan hna.

Cucaah Karen ram ah khuapi an lak ngaingai mi aum rih lo ti khawh asi. Hlan ahcun Karen nih Khuapi an lak hmasat ko nain Rallokap kut ah an pek ṭhan caah Pau Dohthlennak ah Khuapi lak hmasat mi cu Thantlang khua lawng hi asi ko.

Pau Dohthlennak le NUG caah a biapi tuk mi Thantlang Sakhan laknak a si nain aa lawmh khawh lo mi Salai te pawl hi NUG a doh tu an si.

CNF / CDF doh cu NUG doh asi. NUG Doh cu Mipi doh asi. Mipi dohtu cu Ralhrang MAH te le an minung ansi. Nipidaw Lak khawh loin Thantlang Sakhan lakah nan I nuam tuk tiah tlo tuk in mi an kan ti tu hna hi Thil sining theih lo tuk le hruh asi.

Aruang cu Mipi le kan Ralkap minung an si lo caah asi. Kan minung asilo mi cu Rallokap minung an si. Pau Dohthlennak ah a karlak um ti a um khawh lo. Kanmah minung asilo mi cu Ralhrang Rallokap minung an si. CNA / CJDC / CDF cu Nipidaw doh awk ah rian khinh mi an si lo. Western Territory ah Ralhrang Doh awk ah NUG he hnatlaknak a ngeih mi an si.

Mah le humhual ram chung lawng ah raldoh dingmi CHIN Ralkapbu an si nain, Kalay – Kabaw – Gangaw tiang siseh, Sakai le Makui Ramṭhen ah siseh, Kachin ram ah siseh, Ralhrang a doh mi CHIN Kan Ralkapbu an si.

Nipidaw a lak ding mi cu KNU, KNDF le Nipidaw velchum um UG le PDF / LDF an si. Rangoon khuapi a lak dingmi cu Rangoon Velchum um PDF / LDF / UG hna le NUG Federal Army bawmh in asi. NUG Ramdang Vuanci Daw Zinmar Aung cu nihin USA cozah nawl ngeih tu hna he NDAA kong ah an I tawn.

NUG nih khuapi lak puai kan thawk in kan hlawhtlin cang. Thantlang Khualipi bak kan lak khawh cang tiah tehte ah aa put.
NDAA nawlngeih tu hna an lungtlin tuk. Nan thachia hlah uh, kanmah kan um ko tiah USA Cozah nawlngeih tu hna nih an rak ti hna.

USA Uktu hna le MPs rual nih Thantlang khua nan lak khawh cu tiah an kan thanṭhat lioah, Nannih Lohtlau Faparual nih soisel nak le Kan ralkap thachiatnak Dohdalhnak biahla le cabia nan thlah mi hi, tuak ko uh.

Asi te dakaw nan si ve lo cu. Hruhmolh le Khawlal he khuasa in SUAL kemh chih mi hna hi, Dohthlennak ah kan in herh hna lo.

Dai tein rak um ko uh, rak I thlak duh ti hlah uh. Pathian aw ka theih raldoh hlah uh nan tei lailo ti tu hna hi Raltei awkah Profet asimi Pathian fa le Israel mi he nan I dan bak ko.

Kannih cu Pathian min loin Raldoh mi bang nan kan hmuh. Asi te dakaw nan si ve lo hrimhrim cu aw. Pathian nih kan ralkap le mipi an kan um pi Ral an kan doh pi hi aw? By- JRT

Video