Press "Enter" to skip to content

Mizoram ah Covid 19 vaccine Hmanhram An Thok Ve Cang Lai Mizoram dirhmun

January 16 in India ramhuap Covid 19 vaccine tlangzarh dingmi cu Mizoram zong ah tluangten a phan cang tiah thawngtheih a si. Mizoram i tlangzarh dingmi Covid 19 vaccine cu Oxford-AstraZeneca tuah, Serum Institute of India i chuah mi Covidshield vaccine a si i minung thawng 10 luan deih, Covid dokhamsii cu January 14 ah a phan cang tiah newslivetv in a langhter.

Covidshield cu Cozahpi khuakhan nih bantuk in state health care worker minung 14107 le central health care worker minung 314 pawl hrawng tawlrel a si i, mah cu ah doctor, nurse le ambulance driver telin minung 8000 renglo an chunh hmasa hna lai.

Sichunh nak ding hmun zong tawlrel a si cang i, January thlachung ni 9chungah nikhat mi 800 hrawng an chunh hnalai. Hikong he pehtlai in Mizoram ngandam nak zung ṭuanvonei mipakhat nih cun “India ngandam nak zung nih bia an chuah ter bantuk in, hma sabik tan cu, ngandamm nak zung i riantuan tu pawl chunh hmasa an si lai. Cuhnu ah kum upa kum 50 a luan mi pawl le damlonak zawtnak dang nei cia tii`n a changchang tein an chunh thluahmah hnalai a ti.

Health department thawngthanh ning ah Mizoram chung vaccine dong hmasabik dingah Civil Hospital Aizawl, Kulikawn Sub-District Hospital Aizawl, Urban PHC ITI Veng Aizawl leh Civil Hospital Lunglei pawl an thim hna tiah newslivetv nih cun a langh ter.

Google i langhter mi bantuk a siah cun, tuirhmun tiang Mizoram ah Covid 19 mizaw 4,310 an um cang i minung 9 thi in minung 4,200 an dam than. India pumhuap in Covid 19 mizaw10.5M an um cang i, mah cu ah 10.1M dam than in minung 152K an thi ti a si. Credit : Falam Online Media

Be First to Comment

Leave a Reply

Your email address will not be published. Required fields are marked *