Press "Enter" to skip to content

Mizoram Ah Mino Pahnih Bing An Tlaih Than Hna

India-Myanmar ramri ah bing 1 kilo leng an tlaih. 2022 October 4 – India le Myanmar ramri, Mizoram, Champhai pengkomh ah India raammi 2 sin in bing 1kilo leng Mizoram palek nih October 3 zaan ah an tlaih tiah theih a si.

India ram, Assam peng ah a ummi India rammi a simi Hobibullah (kum 19) le Anachar (kum 22) cu mawṭaw 1 in Aizawl lei an kal lioah Champhai pengkomh Khankawn palek nih an check hna i mawṭaw hnulei ah an thuhmi bing tampi kha an tlaih tiah Mizoram palek nih an thanh. An tlaihmi bing hi 1.289kilo a rit i rupees sing 640 leng man a si tiah an langhter. Crd; The Chinland Post

Relchap: Cambodia ram khualipi Phnom Penh ah a ra laimi November thla ah a voi 41 nak ASEAN tonpumhnak meeting le pehtlaihnak meeting tuahnak hmunah SAC hruaitu Min Aung Hlaing cu kan sawm lai lo tiin an langhter, tiah The Phnom Penh Post nih nihin October 4 ah an thanh.

SAC hruaitu Min Aung Hlaing cu ASEAN meeting ah kan sawm lai lo tiin Cambodia Foreign Minister zung in chimphuannak nawlngeitu Chum Sunry nih a fehter cang, tiah theih a si.

ASEAN ram chungtel vialte cu kan sawm dih cang hna nain Myanmar ram cu kan sawm lo. Cozah he aa pehtlai lomi chungin aiawhtu pakhat lawng kan sawm,” tiah Chum Sunry nih cun a chim.

ASEAN hnatlaknak(agreement) phun 5 cu a tak in SAC nih an ṭuan lo caah Cambodia hruainak in a luancia Febuary thla ah rak tuahmi ASEAN runvennak zung palai pawl tonpumhnak(ADMM) ah SAC ramdang palai Wana Maung Lwin zong an rak sawm lo.

A ra laimi ASEAN meeting le pehtlaihnak meeting cu November 8 in 13 tiang Cambodia ram khualipi Phnom Penh khua ah an tuah lai, tiah theih a si. Credit: The Chin Post

London ah Director Ko Puak nih a thlak mi “မသောက်မိသောမိုးခါးရေ” a zoh mi an tam. The Chinland Post | 2022 October 4 – Director Ko Pauk nih a thlak mi “မသောက်မိသောမိုးခါးရေ” muicawl cu October 2 chun sml 1:00pm ah London khua Oxedon Street ah a ummmi The Comedy Store Cinema ah a voikhatnak an hmuhsak.

Cinema ticket 400 zuar ding in an timhtuah nain tha a pe mi an tam caah a hlei in ṭhudan chiah ding in an timhtuah tiah theih a si.
Cu muicawl hmuhsaknak puai ah NUG i UK palai a simi U Maung Maung Aung le Dr. Thet Ko Ko hna an kai kho i UK a phanmi Myanmar miphun hna nih Kawl rawl an dangh hna tiah theih a si.

Muicawl hmuhsaknak a dih ah Director Ko Pauk nih a ṭialmi Documentary Film Trailer an langhter bantuk in a rak zoh mi hna le Director Ko Pauk kha zoom in biaruahnak, dothlennak hla pawl saknak hna an tuah tiah theih a si.

“မသောက်မိသောမိုးခါးရေ” muicawl tawi cu Australia ram, Japan ram, South Korea, Switzerland ram le American ram hna ah an hmuhsak lai tiah theih a si.

Be First to Comment

Leave a Reply

Your email address will not be published. Required fields are marked *