Mizoram chung ah aa dormi Myanmar ralzaam pawl cu harnak um lo tein an ṭhutdir khawh nakhnga Mizoram Cozah nih kan tuaktan lai, tiah Mizoram Chief Minister Pu Zoramthanga nih a chim. Mizoram ah tuah cuahmah mi Assembly session ngeih lio ah zuamcawhtu INC party in MLA Lalrindika nih Myanmar ralzaam kong he pehtlai in bia a halnak cu atu bantuk in CM Pu Zoramthanga nih a leh.
CM Pu Zoramthanga nihcun, “Ralzaam pawl cu harnak le lungretheihnak ngei lo tein an ṭhutdir khawh nakhnga pehzulh in kan ṭuan rih lai, Eidin tirawl kong ah siseh, a dangdang herh poipang kong zong ah siseh kan si khawh tawk in kan tuaktan rih ko lai. India Central cozah zong bawmh kan hal chap lai i an kan bawmh ko lai tiah kan i ruahchan,” tiah a chim.
Mizoram chung ah ralzaam hi nikhat hnu nikhat in an karh chin lemgmang, a hlei in Chin ramchung ah SAC nih raltuknak faktuk in an luhpi caah Chinram chung mipi hna cu Mizoram lei ah an rak lut peng rih i, atutiang ah Mizoram cozah cazin ning in ralzaam 24,289 an um cang, tiah CM Pu Zoramthanga nihcun Assembly meeting ah a chim. Myanmar ralzam hna cu Mizoram khualipi Aizawl le District dang 10 i ralzaam camp ah chiah an si hna i, Mizoram Cozah, NGO le Khrifabu kip nih an sikhawh tawk in bawmhnak an pek hna, tiah a chim chih.
“Ralzaam milu an karh peng i, a tam bik hi Chin State in a ra mi an si hna. Mizoram cozah, Khrihfabu, NGO, Sianghngakchia Bu le Zatlang bu hna nih bawmhnak an pek ruangah an cung ah ralzaam pawl zong nih lunglawmhnak bia an chim lengmang ve,” tiah a chim chih. India ram cu UN Convention on Refugee ah minsen a thut lo caah Central cozah in ralzaam a bawm hna lo nain Mizoram cozah sin in indirect bawmhnak pek khawh nak ding ah kan hal, tiah CM Pu Zoramthanga nihcun a chim. Myamar ram ah 2021 February 1 in SAC ralhrang nih uknak an laak hnu in SAC ralhrang le Mizapi humhimtu ralkap karlak ah kahdohnak a chuak peng i Chinram le Sagaing ramṭhen he ramri aa tlaimi Mizoram ah minung tampi an i dor lio.the chin post
thawngpang dang relchp….Ukraine nih Russia ralkap cuh 5,840 an thah cang hna,nain an tlaih mi hna cu an thla than hnavawlei cung ralpi a voi 2 nak hnu ah a tu i Russia a ralkap a sung mi h an tam cem an si,a ralkap cu an thah lo mi hna an tlaih mi hna zong an tam tuk rih,cu tik ah a tu hi Russia nih zei rel in a tuk mi ram tu nih an rak tei tuk tik ah a tu hi Russia cu a ning zak ngai ngai,zei caah tiah an tuk hna ahcun fawi tein kan tei ko hna la timi lungput he an rak doh hna nain an mah tu an sung deuh cang.
Nithum ni ah Ukraine nih Russia ralkap an tlaih mi pawl hna cu thlah than hna ding in moscow aha um mi an nu le an pa an nu le an fa le cu thawng an hei thanh hna,sihmanhsehlaw cheukhat ahcun ngaihchiat nak thawngpang a sizei caah tiah ral lak a thi cang mi fa le an um i a nung ti lo mi pasal an um tik ahcheukhat caah cun mitthli talknak thawng a si.
Ukraine nih an chim ning ahcun a tu i ral a tho mi hi kan mah ral a si lo,nan pasal le nan fa le hi Ukraine an um nak ding a um lo rak la hna uh tiah an ti hna,Russia ralkap pa pakhat cu Ukraine alan flag hmai a thut i video a zei i a chim mi cu,Russia ralkap an kan tlaih mi pohpoh cikcin in an kan khin lo kan free tuk kanralkap rual zong an kan char ter an kan phum ter lo an maah nih an kan tuah piak dih tiah a chim.
US le Ukraine nih cun i kahdohnak hi a zor deuh ko lai,a hnu deuh cun kan dai te ko lai tiin an ruah nainPutin le a commanders pawl nh cun hi hnak fak in kan doh lai tiah biakham nak an tuah ti ah thei a si,zei tikah hmnah ngol an i tim lo tiah an langhter.
Be First to Comment