Press "Enter" to skip to content

Mizoram Kan Unau Le Assam Pawl Karlak Buainak Nih State Dang Pawl A Hnorsuan Hna Pin ah>>>>>>>>>

Assam Nih Tripura Cu Mizoram Na Bawmh Caah Lam An Kham Piak Lai Tiin A Tlerh

==============================

Assam Nih Tripura Cu Mizoram Na Bawmh Caah Lam An Kham Piak Lai Tiin A Tlerh Assam nih Tripura cu Mizoram nih an herh mi an rak pek hna caah Assam le Tripura highway cu kham dingin a tlerh hna tiah Tripura Times nih a tial.

Assam mipi nih Turipura cu Damchhara, North Tripura le Mizoram lei Kanhmun lam in an herhbau mi an lak ter ruangah Assam – Agartala highway cu kham an timh tiah a thanh.

Assam Karimganj mipi nih Karimganj SP, Bazarichhara palek OC le Churaibari police station le Assam chief minister sin ah an lungtlin lo nak kong he memorudum zong an pek.

Memorudum a pe tu hna ah a tel ve mi Joy Deb nih Tripura mipi he pehtlaihnak tha ngai kan ngei.Mizoram le Assam ramri buainak kongah Assam palek 6 an nunnak a liam ruangah le mi tampi nih hliam an tuar ruangah Assam lei nih economic blockade an tuah lio ah Tripura lei nih Mizoram an bawmhmi nih a ka lau ter ngai tiah a ti.

Tripura caah thiltha an tuah mi langhternak ah nikum July 26 Damchhara ah Kaskau Bru relief camp i buainak a chuah lio ah Assam lei ah a rak zaam mi Chorei miphun hna cu Assam nih tha tein a rak zohkhenh hna tiah a chim.

India home minister Amit Shah nih nizaan ah Assam le Mizoram chief minister hna cu cabuai cungah remdaihnak ceih dingin a ti bantukin chief minister pahnih hna zong ramri buainak kongah chawnhbiaknak ngei dingin an lung a tling tiah theih a si.

Hi kong he pehtlaih in Mizoram chief minister Pu Zoramthanga nih union home minister le Assam CM he kan i chawnh hnuah ramri buainak cu chawnhbiak nak he sihnalh dingin kan lung a tlin caah Mizoram mipi hna cu buainak a chuak khawhmi thil zeihmanh tuah lo dingin a nawl hna tiah Tripura Times nih a tial.

Rf: The Chin Post

Be First to Comment

Leave a Reply

Your email address will not be published.