Press "Enter" to skip to content

Mizoram Lawngtlai District Sangau Khua Nih Kyaw Kyaw An Thahnak Kongah Hringtu Nu Nih Thil Dik A Chim (+Video)

Mizoram Lawngtlai District Sangau khua ih siatnak thleng cu a dai thei hrih lo ih siattong innsang lam an lungkim thei hrih lo. Cumi khal Sangau khua YLA in Kyaw Kyaw cu kanmai thah a silo, kan velh ruangah thi a silo, lungphucawl ih thi a si tiah ca an suah ruangah a si.

Sangau khua YLA in Kyaw Kyaw an vel that timi thu a darh ciamco hnuah Sangau YLA cun December 30 ah ca an suah ih Kyaw Kyaw cu kut an thlak rori nan, kut an thlak ruangah thi siloin lungphucawl ruangah thi a si tiah an ti. Asinan, Kyaw Kyaw ih sungte pawl an lungkim thei hrih lo, mithi cia lolak thlam ih ruak sarmi cu Sangau khua YLA in palik theihter duh loin an vui. Cumi cu daan kalh rori a si ih mithi cia sarmi hrimhrim cu palik tel loin vui thiang a silo.

Culawng siloin Kyaw Kyaw cu lolak a riaknak thlam ih an velh hnuah nga bomb nan puahmi hmuh kan duh ti’n zansim hnupi ah tidai sung an lutter. Curuangah kyaw kyaw cu a khur rero ih lolak ah an tanta. Cutin, a thaizing ah a zaang ih vuaknak vual neh um in thi cia in an sarmi a si. Daan vek asile khua ah hruai tlung in thu thaten sut sawn ding an si.

Hivek thu ah Kyaw Kyaw nu cun β€œKeimah hi Kyaw Kyaw hringtu a nu taktak ka si. Kyaw Kyaw a thih ni ah Sangau khawlal le an mino president ka phone ih a ruak kha rak phum hrimhrim hlah uh,Saiha ah fehpi uh tiah ka timi cu an duh hrimhrim lo. Cuti asile tipi tiang phur uhla kanmah in kan ra phur mai ding tiah kan ti nan, an duh cuang lo. Curuangah kan lungkim lopi in an phunmi hi hringtu a nu ka sinak in ka riah a se tukih ka diriam thei hrimhrim lo a si,” tiah a ti.

A tangah Video

Be First to Comment

Leave a Reply

Your email address will not be published. Required fields are marked *