Press "Enter" to skip to content

Mizoram le Assam Ramri buainak ruangah Tlunkal Umthut Mipi I ralring Dingin Dr. H. Lalthlangliana nih mipi zulh ding theihternak a chuah.

Kolasib DC Nih Assam Ah A Lut Ding Mi Hna Caah Ralrin Peknak A Chuah/Thanh
====================================

Kolasib DC Nih Assam Ah A Lut Ding Mi Hna Caah Ralrin Peknak A Chuah Mizoram le Assam ramri buainak ruangah ramri hmun cheukhat ah venhimnak thawng deuhin kalpi a si i, venhimnak rian a tuan lio mi hna tha deuhin rian an tuan khawhnak ding le mipi an him deuhnak ding caah Kolasib DC Dr. H. Lalthlangliana nih mipi zulh ding theihternak a chuah.

Kolasib DC nih Vairengte checkgate in Assam lei a lut dingmi hna nih Vairengte Excise checkgate le Bairabi checkgate in Assam ah a lut hnga ding nih Bairabi palek checkgate ah phung nih a onh lo mi thil kan phur lo ti theihpinak (clearance certificate) lak ding a si.

Cu ve bantukin Phaisen checkgate in a lut ding mi hna nih Phaisen IR checkpost le Saiphai checkgate in Assam lei a lut ding mi hna nih Saiphai IR checkpost ah phung nih a onh lo mi thil kan phur lo ti theihpinak (clearance certificate) lak dingin mipi sin ah theihternak a chuah.

DC Dr. H. Lalthlangliana nih Mizoram le Assam ramri buainak ruangah Assam cozah nih Mizoram in an state chungah a lut mi mawtaw hna cu tha tein zohfel dingin nawl a chuah caah mi tlungkal hna cu ralring cio dingin le a herh tuk mi thil a si lo ahcun Assam palek duty nak pawngkam ah kal lo dingin a cah hna.

August 17 ah khan Bilkhawthlir in Kolasib a kal tawn mi Vairengte Bus pakhat chungin Assam palek nih Lailapur gate ah Heroin an tlaih.Mah Bus hi workshop ah zohter dingin Assam lei a kal mi a si i,lampi ah Kala pawl nih thil an kuat mi a si.
.
Ref; DIPR

Crd: The Chin Post

Be First to Comment

Leave a Reply

Your email address will not be published.