Press "Enter" to skip to content

Mizoram Le Kawlram Ralkap Le Palek Zam Mi Hna Ramri Ah An Dirhmun

A tu lio kawlram buaibainak konghe pehtlai in Burma ram le India ramri kongah mipi nih thil theih fian lo mi an nei.Ral zam kong ah hin,mah duh poh in kawl ralkap um bu in Tio tan in india ram Mizoram ah rak luh khawh dingin micheu nih cun an i ruah.cucu a tu ah a cang cuahmah lio mi a si.micheu hna cu an rak lut i micheu hna cu luh ai tim cuahmah mi zong ramri ah an um ti thawngpang kan theih.hi hi mipi nih an theihthiam lo bia asi.

A sullam cu Mizoram chief minister nih central cozah hruaitu hna sin ah kan unau Burma ralzam mi kan ram ah a rak lut kho mi cu kan tuamhlawm, zohkhenh hna lai ti a hal mi kha central cozah nih a um e pi sawh rih mi asi.an kua le an ram Burma ah kan khirh hna lai lo tivial lawng khi asi ko.cucu Burma le Mizoram ramri nawlngaitu VC le YMA nih mah miphun hawi tiin zawn ruah nak in India ralkap nih duty an tuah nak hmun, ramri an congh nak hmun kha rhial in an um lo nak in hel in le a thli thup in lak le hruai lam onh mi ceu an si.

Mizoram ah a rak lut mi Burma ralkap zam mi hna hi India ralkap kut ah phan lo in mipi kut um hna,India ralkap kut pha hna seh law india cozah nih zeiti khin maw a tuah hna lai zong theih si lo mi asi.Ram ri kong hi Burma ramri hi Assam Rifle kut ah chiah mi asi. Bangladesh lei hi BSF kut ah chiah mi asi. Mizoram cozah nih ram dang mi luhchuah nak ah nawl anei lo ti hi theih a hau .cu ruang ah an ven lai an duty lai an ti awk asi.cu bu cun India ralkap ni a ven nak ramri paoh cu hel in a thli tein a lut kho mi poh cu VC le YMA nih an tuak tan mi asi cuti si lo i India ralkap kut an phak sual lai mi hi mizoram mipi nih a phan piak bik mi asi.

hi kong ah hin Kawlram lei kan Unau rat ai tim mi hna nih awltawrawk in ramri ah India ralkap nih an congh nak hmun in hramhram in pah chih le luh ai tim mi tampi an um t’hiam rih.mah duh paoh luh chuah i timh hi theih lo bia asi ram dang le ram dang pei kan si cu.hi kong hi lai mi le mi zei poh nih kan theih a herh mi asi.Mizoram cozah nih central cozah ah a nawl ruang ah a rak lut cia mi hna hi Mizoram ah ralzam refugee dirhmun in kan um ter hna lai ti zong a ti loh.nawlpat ruang ceo ah an kua ah kan khirh hna lai lo a timi khi asi.cucu Mizo cozah le khua kip YMA le VC nih zawn ruah nak in an zoh khenh le an buai pi mi khi asi rih ko. hmai lei zawn chim khawh si rih lo.si na in mizo cozah le khua hruaitu nih kan unau har nak tuar mi cung ah kan ti khawh tawk an hang thlum nak dingin biatak te in zuam pi hna u sih ti bia khi asi. hi ka ca tial mi hi t’ha na tiah cun Lai media group kip ah rak ka share piak.

Note: Mah Capar hi Mizoram um mi hruaitu Pakhat nih a cang cuahmah mi kongah kan i runven khawh nak dingin rak ka share piak a ti caah ka vun thil mi a si.t’ha na tiah cun rak share piak chin ve te.

Be First to Comment

Leave a Reply

Your email address will not be published. Required fields are marked *