Press "Enter" to skip to content

MNDAA nih Kawl ralkap hriamnaam an lakpiak than hna

MNDAA nih Kawl ralkap hriamnaam an lakpiak than hna
==============================
October 27 lio ah Kokant (MNDAA) le Kawl ralkap kahdohnak a cang i MNDAA nih an hriamnaam an lakpiak than hna, tiah The Kokang nih a thanh. Kawl ralkap pawl nih MNDAA ralkap umnaklei ah an minung thazaang an chap lengmang pin ah hriamngan an hman lengmang. Cucaah, MNDAA nih kan vun nam ve hna i hriamnaam an zaamtak mi pawl kan lak than hna, tiah The Kokang nih a langhter. The Hakha Times

thawngpang dang relchap : Facebook Company Min Cu Meta Tiin An Thlen, 3D In Ser An Timh

Vawleicung minung tampi nih hmanmi Facebook cu min cu Meta tiah thlen a si cang. Company dirhtu le CEO a simi Mark Zuckerberg nih cun “Facekbook min Meta tiah kan thlenmi cu hmailei ah online chung i kan hmuhmi kha a taktak bantukin hmuh khawhmi phun kha ser kan duh caah a si” tiah a chim.

Naihrawng in Facebook soiselnak tete a tam ngai, culio ah company min cu Metaverse tiah an thleh hi a si. Naite ah khan Facebokok ruangah a hmangtu hna sunghnak an tonmi kongah company chung ralrin peknak hna cu zei ah a rel lo tiin Facebook company ah rian a rak tuan balmi Frances Haugen nih vawleipi theih in a phuan.

Mark Zuckerberg nih chimning ah cun Metaverse hi a tha deuh i screen chung i kan hmuhmi kha a taktak bantukin ruahnak 3D fimthiamnak in tuah a si lai. Screen chung ta kan zohmi bantuk kha si loin screen i kan hmuhmi chungah a ummi bantukin i ruah a si cang lai ti a si.

Min an thlenmi kongah cheukhat nih cun a herh lomi a si tiah an soisel len ve. Chawkhel thiamsang pakhat a simi Laura Ries nih cun “Facebook kha Metavserse ah an thlenmi cu hlanlio i rili cungah meikangh in a rawkmi Britain Petrol company kha soisel thangchiatnak in luatter duh ruangah Beyond Petroleum tiin a min an thlenmi bantuk a si” tiah a chim. Ref: VOA

Be First to Comment

Leave a Reply

Your email address will not be published.