Thin Zar Wint Kyaw (kum 33) micu a pum rua a ṭha in a mui ai dawh ruangah a lar taktak, Myanmar ramchung lawng si loin Asian tlangtluan ahcun a min a thang taktak. Actress le Model ṭuanliao mi a si i mipi pawl nih an uar taktak, Academy Awards zong voi tampi a ngah cang mi a si.
Tuliao Myanmar ramchung duhlonak langhter i sandah piahnak ah ai telve i mipi nih Thin Zar Wint Kyaw a si ti an theih bak cun hman an rak thlakpi thluahmah i a duhning zongin a cawlcang kho lo.
A pawngkam ah mipi cu a phul in an phul ko, sandahpiak nak i ai tel lawng silo in sandah a piahmi mipi pawl cu eidin ding thil pawl a phawt rih hna. Ei din awk mipi a phawt liao hna zongah hehchet tiah hman an rak thlak pi.
February 1, 2021 zing i ralkap pawl i nawlneih nak an lak in tuni tiang ahhin a facebook timeline ahcun ralkap pawl cung i a thinhun nak le ralkap pawl a huatnak hna kong cu ca a rak thlah peng. Thin Zar Wint Kyaw nih “video lemcang tawnmi pakhat men men ka si, kei cu cozah rianṭuan mi ka si lo nan cozah rianṭuan pawl i Civil Disobedience lei ah ka um ” tiah a tarlang.
Be First to Comment