Press "Enter" to skip to content

Muidawh Hlasakthiam Leng Van Hlei Sung Nih Norway A Dawhnak Le Mipi Cungah A Lunglawmhnak A Van Langhter Cang

Norway Review & Laksawng Petu. Norway cu fing le tlaang aa dawh. Dongcat loin mawtaw chungah tthut in khuachuanh khawh asi. Ka um deuhdeuh, ka hmuh deuhdeuh i Bawipa kutzung hi aa rem i khuaruah ahar, a lianngan hringhran ko!

Kei hi caan tamdeuh cu tourist attractions va kal i thil va zoh naknak in, kan Lai Miphun he i ton, biaruah le hlasak tti hi asi. Tutan cu Covid ruangah tampi ka hmu kho hna lo. SIHMANHSEH, ka ton mi vial hna chungin attha mi lawngte le mi dawt a thiam mi, mi conglawmh a thiam mi lawngte he kaa tong.

NORWAY laimi hi an neepte lo. Ram hriang te ah an um ve. Khua khat ah 100-300 hrawng lawng an um i suimilam 1-2 or 3-8 mongh lawngah aa tong mi an si. Hi bantuk thil hi community rianttuan/pehtlaihnak zongah ahar cun Khrihfabu pehtlaihnak zongin ahar. Cheukhat Khrihfabu cu suimilam 2-3 mongh hna in pumh a kal mi an um. Hi vialte challenge um ko buin, excuse (mah ruang cun ka tuah kho lai lo ka si kho lai lo) timi a tlawm.

NORWAY cu an tuah mi thil ah QUALITY an ngei. An tlawm nain, an si khawh tawk in ram le miphun caah rian an ttuan. Cheukhat kan Lai Ralkaap bawmh ah Mizoram lei hna an tlung, cheukhat cu an umnak hmun in thla an cam, fundraising an tuah, an hmuh mi kawlram lei an kuat. UPAT awk nan tlaak. Nan zia i tthinh hlah u. I zuam chin u law hinak let in ram caah nan thaa chuah rih ko u!

NORWAY ka um chungah LAKSAWNG a ka petu dawtu vialte nan cungah lawmhnak tampi ka ngei.
Abik in :


1. Chin Community of Norway
2. Zion Baptist Church (Hi Khrihfabu zongah hla ka sa i, a hlei in laksawng an ka chap. Nan cungah lawmhnak tampi ka ngei. Nan laksawng hmanthiam kaa zuam lai. Bawipa nih thluachuah in pe hna seh, kalawmtuk)
3. Hriphi Tefa of Norway
4. Norway Zophei Family

Kha vial kha BIG NAMES an si. Adang dang zong lak-phak-ti dinnak ah tiah 500-1000 a ka pemi hna nan um cun eidin le hnipuan – lu ttawlnak le Sam chemnak tiangin nan ka dawt. Mah hlei ah thla nan ka campiak, thluachuah nan ka ham piak.

Dawt awk zong ka tlaak lo, nan ka hmuh theih bal lomi zong ka si nain nan fanu, unau bantuk tein nan ka dawt i ka lunghmui tuk ee. Ka thluachuah nan si ko. Cun, khual kan tlawn caan ah inn le hall le biakinn a kan onhtu vialte zong. Kan i lawmtuk. Bawipa nih in chamdih ko hna sehlaw, thluachuah in pe chin ko hna seh. Kalawmtuk.

By- VHSungMusic

Be First to Comment

Leave a Reply

Your email address will not be published.