Press "Enter" to skip to content

Myanmar Ah Namsau Pi Iken Buin Hngakchia A Zampi Mi Pa Cu Mipi Le Palik I Bomhpah In An Tleih Khawh (+Video)

Myanmar ram, Kachin ramkulh Myitkyina khuapi Shwe Nyaung Pin vengah pa pakhat nih cun an veng hngakchia a tleih hnu ah nau saupi he a tlikpi ciammam i, palik le mipi nih a hnu in an dawi. December 16, tu ni i thil cang mi a si i, namsau pi he hngakchia a tlikpi mi cu, palik le mipi nih cun lampi ah an tleihmanh.

Palik bawi Kaw Jiyah nih cun “Zuri sabah a si i a nupi he an i sik zungzal mi cu an sang minung pawl nih palik sin ah an report. Cukong a theih bak cun inn i a va lawi hnu ah a nupi he cun an i si than. Zinglei nazi 9 hrawngah a nupi he an i sik lengmang ruang ah palik nih an ka tleih lai ti a theih bak cun, an inn in a chuak i an innpawng hngakchia cu ai cawi i a tlikpi thluahmah. A kut ah nausau pi ai ken i an va neih i an van chawnhpoh ah ai cawi mi hngakchia cu ka thah lai tiah ai hri chih len ti a si.

Namsau pi i ken pah buin hngakchia i cawipah buin a tlikpi mi pa cu palik le mipi pawl nih a hnu in an zulh thluahmah i an va hro chih len. Mipi nih an naih deuh asi ah cun hngakchia kha a thah sual lai ti an phan caah palik nih an kham peng. A hnu ah mi pakhat ai sum kho ti loh i a tleih i mipi nih an van bomh colh ve i an tleih khawh.

Cu hngakchia cu chanhchuah a si hnuah a taksa an chek i hliamhma zeihmanh a um loh. Namsau pi i kenpah buin hngakchia ai zampi mi pa cu palik nih an tleih i zung ah an hruai colh. kengin nauhak tlanpitu cu palik in an zungah an hruai colh.

Video a tanglei ah kan van thil chih.

Be First to Comment

Leave a Reply

Your email address will not be published. Required fields are marked *