Press "Enter" to skip to content

Myanmar buainak kongah UN Security Council chungtel ram 15 in palai hna cu innka khar meeting an tuah..Zei NgaiNgai Cu An Chat Kho

Myanmar Ralkap Cu Dantat Lo Dingin China Nih UN Security Council Meeting Ah A Kham
===============================================================

Ralkap nih nawlngeihnak an lakmi Myanmar am ah Democracy phunglam in thlennak a um ding hi China nih hmuh kan duh, asinain Security Council nih dantat ding timi cu kan cohlang kho lo tiah UN i China palai Zhang Jun nih March 31 (nithum ni) i UN Security Council innka khar meeting ah a chim.

Myanmar ah daihnak, remnak le phunglam ning tein khuasaknak hi a rannak in chuak kho seh tiah China nih kan i ruahchan ti zong in China palai Zhang Jun nih a chim chap.

March 31 (nithum ni) ah Myanmar buainak kongah UN Security Council chungtel ram 15 in palai hna cu innka khar meeting an tuah.

UN nih Myanmar ram ah a thlahmi Christine Burgener nih Myanmar ram chung thilcang kong chimphuannak (report) a ngei i β€œDemocracy duh ruangah lam a zawhmi mipi cungah ralkap nih phungning loin an kah, an thahmi hna ruangah ramchung ral le thisen luannak a chuak kho dahkaw” tiah ralrin peknak bia a chim.

Cucaah UN Security Council nih lungrual tein dantat khawhnak lam a tuaktan hrimhrim a herh cang tiah Christine Burgener nih biatung a chuahpi. Asinain cu a biatung cu China nih kan cohlang lo tiah an ti.

Meeting thok hlan deuh ah US ramleng vuanci nih Myanmar ram ah nawlngeihnak a lami hna nih an sualpalhnak kha tuanvo an laknak dingah China nih a thiltikhawhnak hi a hman awk a si tiah a chim.

Cu lawng si loin Myanmar ram ah buainak le thahnawnnak a ummi hi China ca zongah santlaihnak zeihmanh a um lo tiah US ramleng vuanci zung in chimnak nawlngeitu Ned Price nih a chim.

Ramkhel thongtla zohkhenhtu a simi AAPP nih cazin a lakning ah ralkap nih nawlngeihnak an lak ni in nihin tiangah a thimi 536 an si cang.

Crd: Chin Post
Ref: AP

Be First to Comment

Leave a Reply

Your email address will not be published. Required fields are marked *