Press "Enter" to skip to content

Myanmar Chairman Thar Min Aung Hlaing Nih Mipi Sin Ah Biathar A Cah Mi Hna ( +Video )

Myanmar ralkap bawi Min Aung Hlaing nih cun Myanmar ram nawlneih nak a lak hnuah a hmasabiknak hrang tuzan February 8 zan ah TV hmangin mipi hmaiah biachim nak a nei i tampi biacah nak a neih hnuah Biaknak lei kong tiang in a chim chih.

Myanmar Ralbawi Min Aung Hlaing nih cun “2020 tilo ahcun UEC nih rampi ithim nak kong he pehtlai in, chimphuan nak a nei zungzal. Cu ruangah buainak um loin Democracy lam cu kan rak zawh kho lengmang. 2020 ithim nak cu ithim nak thok hlan in buainak a um cang i rampi TV ah UEC nih party cheukhat cu biachim an duh mi phuanter loin an hlonhpiak hna.

“UEC nih ralkap zatein lenglei ah vote thlak ding a ti bangin keimah zong nih ka zulh ve i vote ka thlak ve. Party cheukhat nih ithim nak hman lo mi a um tiah UEC an chimh lengmang hna nain, ngaihsak an siloh i ralkap an kan chim. Ralkap nih cun vote pawl zohfelnak le dothlat nak biatak tein kan tuah.

“Ramkulh ,ramthen le Myone tin in vote dik lo a si kho mi 10tan renglo a um. Cupin ah cun kum tling lo mi, min ai khat mi an tuah mi le kum 100 renglo vote a hman lo mi tampi a um. Cupin ah UEC nih vote petu minung zat a thanh mi cu vawi 2,3 hrawng bak ai khat kho loh. Culawng siloin UEC nih vote a pe kho mi kum 18 cung a phuan mi le rampi kum 18 cunglei minung cazin zong ai khat loh i UEC nih an phuanmi a letin a tam.

“Tuah a hau mi pawl kan tuah dih tik ah rampi ithim nak kan tuahthan lai i, mah cuah cun teinak a co mi party sinah nawlneih nak kan pek than te hna lai. Buainak ruang i caan kan lakmi kalter thluahmah kan tim loh i, Democracy a hman te mi a phanh khawh nak ah kan i zuam lai.

“Mipi nih hahdam tein kan zumh mi kan biak khawhnak ding ah Biakinn pawl zong tuni ah hin kan on cang. Covid 19 phunpam ning tein fel ten can nn an ding mi hi ka duh mi a si. Sianginn kai mi hngakchia pawl zong covid 19 phunglam he ai tlak ningin Sianginn on than nak ding kong kan buaipi colh lai. Ram hruaitu si te ding mi Siahngakchia pawl nan zatein siang inn kai than ding in timhtuah nak nan neih nak hnga cah kan duh hna.

“Riantuannak setzung le company pawl zong covid 19 phunglam bantuk tein tuanlhawh than nak ding caah on kan i zuam than lai i covid ruang ah ramdang i a tang mi minung pawl zong rianrang tein an chuah khawh nak hnga biatak tein kan i zuam lai, tiah a ti. Credit : VAPUAL AUAW

Be First to Comment

Leave a Reply

Your email address will not be published.