Press "Enter" to skip to content

Myanmar Ralbawi Min Aung Hlaing Nih USA President Biden A Thin A Phawh Cang Tih Nung Ko

President Biden nih ralkap hruaitu pawl sipuazi phihnak tuah ding order a chuah cang, a ra rih lai a ti. US ah a ummi Myanmar cozah phaisa $1 billion zong ralkap nih lak khawh lo ding a phih fawn.

β€˜Rammi nih zalawng tein lam zawhnak nawl an ngei, vawleipi nih kan in zoh ko hna, thisen luanter hlah’ tiah Min Aung Hlaing cozah warning a pek fawn.Salai Lungthli Tum

Thawngpang dang relchap >>>>>>>

RALKAP NIH UKPEN NAK AN LAK HI CHIN RAMKULH CAAH CAAN THA BIK ASI

Chinram Le Chin Mi Caah Caantha Bak A Si Hih !!A tu thlihran ning zoh lengmang tikah a tu hi caantha a si ko lo maw ti hi a si.Thilkip,thaici kip zong siseh a caan hi a um ,lovah le facang tuh zong a caan a um i,lothlawh zong hi a caan te a um ve ti hi kan theih dih mi a si.Lo hi a vah lo lio i vah ahcun zeisan a tlai lo,mahbantuk in,facang hna kha lo fah pah ah khin tuh usilaw,zei facang cudah a kheu hnga mu! Lo cu kan vah hmasa i,mah hnu ah thing le ram kan vah mi kha an ro dih hnu ah,khuacaan a that lio te ah mei in kan duah i,mei nih thing le ram a kangh dih hna hnu ah,thlai kan thlak hna.Chin miphun le Tlangcung mi hna nih miphun dawtnak he ram caah hriam an tlai cio hna i,kan nih Chin miphun hmanh nih ram ca i ralkap a peh tein a dirnak hi kum 30 renglo a si cang,mah hna nih an itinh mi cu,Chinram le miphun hna nih zalonna kan hmuh khawhnak kha a bia pi i an ruah mi cu a si ko.

Asi ah,cuhlan an tah mi kha teh,zeicaan lio dah a si?cuhlan an tuah mi kha cu,Lo an vah lio a si i,a tu hi mah lo an vah mi kha mei in duah i,mahticun thlai kan thlaak caan a si cang hih.Kan pupa hna nih zeitindah an ti ti ahcun,ruah a sur lai ah,khuadawm a chuah hmasa a herh an ti,1988 ah khuadawm rang a chuak i,1991 ah khuadawm dum a chuak khah,a tu hi ruah a sum caan a si i,mah lio te ah hin thlai kan thlaak a herh,a tu hi cantha kan ti lengmang mi cu a si.

Kan tho lai maw kan hngah rih lai dah?caan hi rel thiam a herhtuk hih,caantha na ngeih lio ah hin tlawlhlo tein miphun caah leklak tiah,Zalonnak(Indeoenden) kan thanh piak ding in kan nawl hna.Kei nih cun,Chinland Independen,tiah ka thanh cang hih.A donghnak ahcun,a cung le tang i hmanthlak ka chiah mi hna nih hin,tlangcung mi hriamtlai he,raltha te in an thanh hi a caan lio te a si,na tlai sual lai,a can a um lio ah thanh zawk dingin sawm na si hih. credit;Tinduh Thang

Be First to Comment

Leave a Reply

Your email address will not be published. Required fields are marked *