Myanmar Ram Ah Faktuk In Thah Nak A Chuak Than I Minung Pa 3 An Thi
Magway : Pwint Phyu Myone, Kyaung Kone Gyi khua i a um mi minung pathum cu minung a bu i a um mi bukhat nih nam in an tuk hna i, a hmun ah an pathum in an thi colh i minung pa 7 bak nih hliamhma an tuar tiah thawng theih a si.
Kyaung Kone Gyi khua mi ဦးထွေးနိုင် ၊ ဦးချစ် ၊ မောင်နန်းဝေ te pawl cu hmundang in an tlun lei a si i an khua lampi an kal cuahmah lio ah, thing ah nak zung in nam te ai ken mi mibu pakhat an rak chuak i, fak tuk in nam in an tuk hna ruang ah a hmun bak ah minung pathum an thi.
Naam he fak ngai i a that tu pawl group cu USDP a ṭanpi tu pawl an si i naam sah nak a tuar tu pawl cu NLD party a ṭanhtu an si tiah khuachung um mi mipi sin in thawngtheih a si. Anbuai hnu ah palik le ralkap an rak phan colh i, mibu in minung panga cung hmunkhat umti lo ding in nawl an chuah i thawngthanh nak zong an tuah colh. Cuhnu ah cun Kyaung Kone Gyi khua mi pawl nih tualthattu pawl cu tleih colh dingin palik sinah an hal tiah DVB nih a langh ter. Falam Online Media
