Press "Enter" to skip to content

Myanmar ram chung ummi minung 700000 hrawngnih internet hman khawhlo in an um

February 1 thok in ralhrang uknak dohtu hna nih Myanmar ram chungah ralhrang ngeihmi telecommunication tower tung 400 nak tlawmlo cu hrawhpiak an tong tiah ramchung media nih nizaan ah a langhter i, cu thil a cangmi ruangah ram chung ummi mitampi cu pehtlaihnak tuah kho lo in an um tiah cell phone operator hna nih an chim.

 

Rampi hmailei a cawlcanghnak le cozah nih timhtuahnak a ngeihmi cu hramhram in hrawh ding aa tim” tiah cu thawng zamhnak nih cun a langhter, cun ralhrang phu ngeihmi Mytel tower tung 409 i 88% cu hrawhpiak an tong tiah a langhter chih.

Ralhrang phu nih nawlngeihnak an lak thok in Myanmar ralhrang nih mipi minung 1300 leng cu an thah hna i, ralhrang uk duhlo in cawlcanghnak a tuahtu hna cu hramhram in an tlaih hna nak kong cu ramchung zawnruahnak le bawmhnak pek in cawlcanghnak a tuahmi phu sin in theih a si.

September thla chung Mytel nih cathanh chuahning ah tower tung hna hrawh an si caah Myanmar ram chung ummi minung 700000 hrawngnih internet hman khawhlo in an um tiah a langhter. Crd; The Chin Post

Thantlang Kong Relchap; BreakingNews: Thantlang Market Sang ah Inn an Kaang, UPC Biakinn a Kangh Chih. Nihin December 4 zinglei sml. 9:00 hrawng ah Thantlang Market sang ah inn an kaang tthan i atu ca kan ttial lio caan zong ah a kaang cuahmah.

Thantlang khua upa pakhat nih, “Inn zeizah a kangh timi fehter khawh a si rih lo. UPC biakinn zong a kaang. Atu hi a kaang cuahmah rih ko,” tiah The Chin Journal ah a chim.

Nihin ah an inn a kaang vemi Mizoram phan nungak Dicky nih, “Nihin zinglei ah khan nan inn a kaang ve tiah thawng a kan thanh. Kan inn cu UPC biakinn he aa tlarmi a si.

Hi kong ah vun chim ka duhmi cu Pathian nih kan herh tuk lio caan ah inn a kan pekmi a si ko caah hmailei kan herh caan ah a kan pek tthan te ko lai,” tiah a chim. September 9 thawk in nihin December 4 tiang ah SAC ralhrang nih an kahmi bomb le hramhram in inn an duah ruang ah Thantlang khuachung inn 450 hrawng an kaang cang. Crd; The Chin Journal

Be First to Comment

Leave a Reply

Your email address will not be published.