Press "Enter" to skip to content

Myanmar Rampi I thim Nak Kan Duh Loh Tiah USDP Mipi Pawl Nih Buainak An Ser

USDP a tanh tu minung 2000 hrawng cu tuzing November 15, Naypidaw khuapi ah duhlo nak an sar u lam an zawh hnu ah certual ah a bu in an umti. Certual ah cun pakhat hnu pakhat in Myanmar rampi ithim nak kong ah an lungtlin lo nak kong cu an chim rel ti hna.

An zatein minung 2000 hrawng an sinain, lamzawh i duhlo nak a sar mi cu, minung 30 hrawng an si. Midang cu lamzawh mi a zoh mi le a telpi mi an si i a tlangpi in USDP member cu an si. Lamzawh mi pawl cu certual ah an thu ti hna i state cung ah dir in pakhat hnu pakhat biachim ti nak an nei hna. Certual i an umti nak zong ah a zohtu minung an tam tuk i anmah group a tanpi tu lawngte an si.

Duh lo nak an ser nak kong ah Myanmar rampi ithim nak kong ah an cohlan lo nak kong, Union Election Commssion i offical result phuanmi an pom lo nak kong, ithim nak ah a hman lo mi a um nak kong chawva le nawlneih nak hmang in mipi an lem nak kong cu an aupi mi a si. Tutan cu USDP tanhtu pawl lamzawh in duhlo nak an ser vawikhat nak a si loh i, November 11 zong ah minung 50 tluk cu Naypidaw khuapi Union Election Commission zung kutka ah duhlo nak an rak ser cang. Mah cuah cun, USDP tanhtu cheukhat zong nih an rak bomh ve hna.

Hi kong ah hin Union Election Commission i an hruaitu U Thein Naing nih cun “Kannih nih cun tha tein ithim nak hi kan tuah mi a si. Tu i dirhmun ah an lung a tlin lo a siah cun zeihmanh kan tuahpiak kho hlei hna lai loh. A hman ning tei chim ah cun Cawng saya sayamah ,myone hruaitu le khua kip i tuanvo la tu pawl cu thaba tuk in ai pumpe mi an si. Zeihmanh a hman lo mi a um loh. A thabik in kan tuahmi ah phundang ngai in an rak hmuh mi cu chinding zong ka thei loh. Anmah le an hmuh ning a siko,” tiah a ti.

USDP mipi lakin lamzawh i duhlo nak a ser mi cu Naypidaw lawngah a si rih i Union Election Commission nih Myanmar rampi ithim nak ding hrang Official in result an phuan dih cang ruangah lamzawh in duh lo nak an ser mi cu zeithil hmanh ai thleng lem lai loh. A tang lei i hri ai kulh mi chung i a um mi khi duh lo nak a ser mi an si i hri leng i a um mi cu a bawm tu mipi an si.

Be First to Comment

Leave a Reply

Your email address will not be published. Required fields are marked *