Press "Enter" to skip to content

Myat Htet Htet Khain A Thi Rih Lo,A Dir Hmun Ttha Lo Ngai

A Unau nu nih Myat Htet Htet khain a dirhmun a chim ning ah cun..February 9,2021 ni ah Naypyidaw khuapi ah ralkap uknak duhlonak an langhternak hmun ah palik nih an kahmi Myat They Thet Khain ( Myat Htet Hetet Khain ) thawngpang thar le a u nu nih a chimmi pawl a tanglei bantuk hin a chim mi cu asi.

Myat Htet Htet Khain ( kum 19 ) cu February 9,2021 ni ah Naypyidaw khuapi ah ralkap uknak duh lonak an langhter ruang ah palik pa nih a kah.Media tampi le pumpak facebook tampi nih Myat Thet Thet Khain a nunnak a liam tiah an tial cio hna. Cheukhat nihcun kan ram Democracy caah a hmasabik nunnak petu asi tiah an thangthat.

A tu tiang Myat Htet Htet Khain dirhmun hi Naypyidaw ihkhun 1000 timi sizung pi ah zualhma ngai in a um rih ko. A nunnak caah ruahchannak a um lo tluk khi a si cang. 5% lawng hi a nunnak caah ruahchannak a um tiah Naypyidaw sibawi pakhat nih February 10,2021 zanlei sml 6:00 hrawng ah khan a chim.

Myat Htet Htet Khain a u nu zong nih β€œka nu caah hin a nunnak ruahchan awk a um lo tluk khi a si ko cang. A dirhmun a chia ngai cang” tiah a chim ve.Myat Htet Htet Khain a u nu nihcun a tu ralkap uknak hi pehtlai in kan doh peng ko lai tiah a chim rihMyat Htet Htet Khain cu tanghra a phi dingmi sianginn kai lio a si. A pa nih mual a liamtak cang hna i chungkhar minung 5 khuasa an si. An unau lak ahhin a mah hi a ngakchia bik a si.

Myat Htet Htet Khain an kahnak meithal kuan cu Naypyidaw sibawi nih an chek tikah meithal kuan taktak a si. Raltuknak ah hmanmi meithal kuan a si tiah an chim.Naypyidaw sandah piahnak ah palik nih an kah vemi Ko Seo Wai belte cu a tu sizung ah a um ve ko nain a nih cu a dam ko lai tiah Sibawi nih an chim ti si. Credit : RFA

Be First to Comment

Leave a Reply

Your email address will not be published. Required fields are marked *