Press "Enter" to skip to content

Myit Hthi Lar Thongtla Chuahmi 34 Chungin 11 Cu An Tlaih Than Hna

Ralhrang lutlai Min Aung Hliang nih thongtla pawl ka chuah hna lai tiah a chim hnuin Mandalay ramthen Myit Hthi Lar thongtla chuahmi 34 chungah 11 cu SAC ralkap nih an tlaih than hna tiah theih a si.

Myit Hthi Lar peng NLD in ramthen palai U Lwin Maung Maung, party chungtel a simi U Thet Maung Maungg, Daw Thin Kyu Aung, Thar Sii peng in lamzawhnak hruaitu U Myint Thein le U Taw Kyi, Daw Lay Lay Naing telh in a dang hna cu ralhrang upadi le upadi dangdang hna hmangin an tlaih than hna.

“Pomah 505 in an chuah hnu, October, tuthla ni 7 ah ralhrang upadi pohmah 50 le 52 in tazacuai an si caah an khumh than hna. Tonnak nawl zong a kan pe lo. Kan thinlung a kan fahter. Thonginn in a chuakmi 34 chung in 11 cu an tlaih than hna” tiah Daw Lay Lay Naing a dongtu pakhat nih a facebook ah a tial.

SAC nih nawlngeihnak an lak hnu in an tlaihmi ramkhel thongtla 5000 renglo hna cu Oct 18, nizan ah an thlah hna i cu an thlahmi hna chungin cheukhat cu inn hmanh an phak hlanah an tlaih than hna tiah theih a si.

Mizoram Police Nih An Record Ning Ah Ralzam 11,290 Mizoram Ah An Um: Mizoram Police nih felfai tein record an tuahning ah October 8, 2021 tiang ah khan Mizoram chung ah ralzam 12580 an um cang. Hi hnu hin ralzam 228 an karh. September 25 tiang ah khan 11940 an rak um, tiah an langhter.

September thla dongh lei ah khan cun Mizoram hmunkip ah ralzam an a lut tharmi an um ti lo. Nain October thla thar hnu belte cun tlawm tete in an karh peng. Ralhrang nih chin ram ah an ralkap tampi an chiah hnu le CNA/CDF he an i kah pah hnu in Mizoram a hung zammi hi an karh cem, tiah Mizoram nih an langhter.

Mizoram district vialte ah ralzam an um lonak hi a um lo nain, atu dirhmun ahcun Champhai District le Lawngtlai District chung ah aa dormi an tam cem rih. Ralzam anmah sinak le umnak khua he fiang tein record tuahmi hi 11290 an si, fiang tein record tuah lomi hi 1518 an um lio ve. An dihlak in Mizoram chung ah ralzam 12808 an um, tiah theih a si.

Be First to Comment

Leave a Reply

Your email address will not be published.