Press "Enter" to skip to content

Mytel Tung a Remhtu Pa SAC Ralhrang Hmenhmi Bomb nih a Puah

Mytel Tung a Remhtu Pa SAC Ralhrang Hmenhmi Bomb nih a Puah
———
Nihin chun sml. 12:00 hrawng ah Shan ramkulh, Muse peng, Namhuan khuate pawng i Mytel tung a remhtu pa cu SAC ralhrang hmenhmi Landmine nih a puah hnawh caah a orhlei kee a tan.
Bomb nih a puah hnawhmi pa hi Aung Thu tiah auhmi a si i, Mandalay khua Mytel Company ah rian a ttuanmi a si.

SAC ralhrang bomb nih a puah hnawh caah a orhlei kemit rii in a tang lei a bul. SAC ralhrang ngeihmi Mytel tung pawl nitin in hrawhpiak an ton caah Myanmar ramchung hmun cheukaht Mytel tung kaingkap pawl ah SAC ralhrang nih Landmine an hmenh hna. The Chin Journal

thawngpang dang relchap : Ralhrang le KNLA Nikhat Chungah Kahdohnak Voi 6 A Chuak Ralhrang Lei In 9 An Thi

Kayin ramkulh,KNU Brigade 5 hmunhma Phapon pengkomh chungah ralhrang le KNLA cu September 23 nikhat chungah voiruk an i kap,KNLA lei in hliammi an um lo tiah theih a si.

Butoh peng,Boade khuakomh Mahnawlu khua ah voikhat,zinglei suimilam 8 ah Duailu peng,Kataiki khuakomh ah Thitio ah voikhat,zinglei suimilam 8:40 ah 10:10 ah Butoh peng Khahpoh khua ah voikhat 10:30 ah Lutaw penf Phalakhu khuakomh ah voikhat,zaanlei ah Butoh peng Paheh khuakomh ah voikhat September 23 nikhat ah voiruk i kahnak a chuak.

September 23 zaan ah Kayin ramri hngak ralkap Bo Maung Chit hruaimi Batalian 1014 phu nih Phawthikhu riahbuk chungah thazaang 10 hraang le September 24 ah BGF ralkap hn nih mawtaw 4 in thazaang an chap i September 24 zinglei Suimilam 11 hrawngah KNU Brigade Headquarter pawngah vanlawng in zohfelnak an rak tuah. Credit : The Chin Post

Be First to Comment

Leave a Reply

Your email address will not be published.