Press "Enter" to skip to content

Na Nunnak ah Teinak, Hlawnhtlinnak Hmuhnak Lam.. Na Ngaichih lai lo Rel ve Hrim Hrim

Na Zumhmi Kha Thlah lo tein i tleih ko. Phaisa na ngeih cun an duhmi poah na cawk khawh ko nain, Phaisa cu ei awk a tha lo.

Inn cu Thing in sak khawh a si nain Thingkung cung ah kai in Innsa in um awk a tha lo.

Hi nih a chim duhnak cu zeidah a si tiah cun zeithil hmanh hi hmantllak an um lo tinak khi a sawh duhmi cu a si ko.

Caantha timi cu kanmah nih kan ser ahau, ka hlawh atling cang kan ti khawhnak dingah voikhat lawng a za lo i voitampi i zuam ta ahau.

A hohhmanh nih hngalh a herh lo,keimah le keimah dingfel te um abiapi, mi zeihmanh hnahnawhnak ka pe hna lo, keimah ka kong keimah nih kaa theihbik ah a za timi chan cu a dih cang.

Tu kan phak cuahmahmi Chanpi hi, hiti meimei in a ngah ti lo. dinfelnak kha hrihhram ah kan i ser i kan hmailei nunnak siamremh nak caantha lakkanh lo ding le nehsawhmi kan si lonak hnga ding caah tlavikvak tein le lungfim te um zong ahau fawn.

Zeitluk hmanhin va tha law, fimthiamnak na ngeih lo ah cun Mi hruai khotu dirhmun sang na phan kho lai lo.

Zeitulk hmanhin rian zong tuan ko law,adik te le ahman te le felfai te tuah na thiam lo ah cun cotalk/hmuhtalk teinak na hmu kho lai lo.

Zeitluk hmanh in biachim va thiam hmanh law,atik cu caan lio te i chimding na theih lo ah cun cohlan mi na si kho lai lo.

zeiti na um na ei poah zong ah ka nuamh ah cun aza ko timi thathut pawl le teinak hmuhduhnak lungthin angei lo tu pawl bia angaiin zeihmanh tuah duh loin um hlah.

Nangmah ca a va si lo zong hmanh ah, Na chungkhar le na vawlei pi caah Pakhat khat chiahtak khawh ding i zuam ve.

Thomas edison kha phayawngtan fungkhat tein rak i lunghmuih seh law, nihin i kan hman mi Miti le Michawng hna hi a um hnga lo.

Ma LaLa, Nelson Mandela te pawl nih sifak mirum thleidannak le Nu pawl covo dohnak raktuah hna hlah seh law, vawlei pumpi hi Nihin bantuk in Rian le fimthiamnak hi tluk tein mizeipoah nih hmuh ding hi a fiang lo ngai mi a si.

Bochoh Aungsan Hna kha , Colony Uknak tangah rak i nuam ko sehlaw, nihin Bantuk i zalawng te tlonlen eidin le Nun khawhnak Democracy timi hi khawika dah ava um hnga.

A herhmi cu atharchuah khotu dingah zeidah ka herh timi kan hngalh ah cun kan tuah ding zong kan i hngalh ko lai.
I Zuamthan duhnak tel loin, angah ko, zacang ko seh tiah fawi tein na lung dong hlah.

tuahkhawh ko buin, to in tuah duh lo,kal duh lo, i zuam tu si lo in thut buin seihkuyin, a fawi tein hmuh duhnak/si duhnak lungthin cu mah le mah i thah he aa khat.

Lamhman zawh kotung i kalduh loin thuthaur i zohsawh tuahngat..lungtumnih an nanh ding cu a fiangtuk hen ta.
Na palhnak pawl remhthan ding ah na palhnak chungin fimnaki lak law, a hram in thok than ding ah Vawlei nih thaizing timi caantha laksawng ah an pek ko.
Na kumupat tik i midangnih rianfial ding na duh lo ah cun na kuma no lio teah nangmah le nangmah kha i fial.

Kan puitlin khawhnak caah cun kan no lio caan hna pek a hau, Pakhat na pek pakhat hmuh timi chan ah, zeihmanh pekta loin a lak in hmuhduh ah cun kan hruh caah a si hnga.

Riantha ngeihnak in, Atha tein tuan ding ah ruahnak tha kan ngeih khawhnak hnga a tha mi lawng ruahding a biapi.
Biachim thiamngai ngai tung i a thami na chim khawh hlan lo cu vawleipi nih uarmi na si lai lo.
Lawng pakaht cu zeitluk zongin vatha ko seh, zeitluk hmanhin va ngan ko seh, zeitluk hmanh in va pit cikcek ko hmanhsehlaw,a cittu an um lo ah cun khatlei ral va phak khawhnak ding ah kan zahkhawh lai lo bantuk in, Minung zong hi Zeitluk hmanhin na tuan,zuamnak na ngeih, na zuam hmanh ah, katuah khawh, ka si hrimhrim lai tiah i ruahnak, zumnak na ngeih lo ah cun na tinhmi hmunhma acaan teahna phan kho lai lo.

cu caah caan tampi teinak na hmu kho lo men ko lai, voikhat lawng si loin voitampi zong. voizeizat hmanh va sung ko law, na zumhnak kha zeitik hmanh ah thlah bak hlah.

Be First to Comment

Leave a Reply

Your email address will not be published. Required fields are marked *