Press "Enter" to skip to content

Na Ruat Ngam Maw? Kan Ral Kan Tei A Hau! Kan Tei Locun Mawh A Kan Phurh Lai!

Kan Ral Kan Tei A Hau! Kan Tei Locun Mawh A Kan Phurh Lai!
===============================
8.8.1988 duhlonak langhter (Uprising) lio hi Kan hngakchiat lio a si caah tampi ka cin ken kho lo. Nain ka cin pengmi cu Newin ruak he i loin capawl le ngaidi in an siamchommi cu an rak dua i mipi an rak au. Thantlang lampi hi a rak cek rih nain zalampi nih tlum loin Newin uknak cu an rak dodal. Muthai cu lam khat in vorh hna kaw, ngakchia thlu lo upa thlu lo muthai duh ah cet tan in lam kan rak zawh ve. — Ne Win uknak an duh maw?
– Kan duh lo! kan duh lo tiah kan aw dih um in kan rak au.

Cu lio hrawngahcun Ne Win min cu lar tuk kaw, Uico min sak zongah Ne Win rak i sak hi a paw ngai.
Cu Ne Win nih a hruaimi ralkap cu kan tei lo caah Kum 28 kan tem. Sualnak ngei lo zong hrem kan tong.

RalkapPawcawmnak a har i kan paw a tam, Kan ram a mui i thinphang thlalau in kan um. Ralkap an lal i Kan nuhrinvo an kan buar hnawh. Kan mifim hna cafung tlai ti loin Meithal an tlai. Pawcawmnak cu Sianginn ah cawng loin Tlanglo ah tawhmui le namtong tlai in pawcawmnak kan cawng. Cucu Ne Win kan tei lo ruangah a si.

Degree sangsang nih Lairam cu a rak fuh nain 8888 hnu cun ramdang sal rian tuan dingah Lairam chuah tak a hung lar. Mirang holh ah a rak larmi le kan thiam cemmi cafang hi Refugee le Percel si dawh a rak si. Cakei mei hmanh tlaih a ngamh mi Laimi a ti mi nihcun Ralkap le kawl holh in a holhmi paoh kan rak tih hna kha mu. Chim kan tih cemmi hi freedom le Democracy a si rak si ti ninglaw ka palh lem lai lo. Cucu Ne Win kan tei lo ruangah a si.

Zalennak a rak hmumi Lairam cu ral ram ah a hung cang. Mah le Pathian Biaknak ah zalonnak a hmu mi cu Myanmar rampi cu Kawl biaknak Buddhist biaknak pin zei Biaknak hmanh an co hlang ti lo. Ka Chin, Ka ya, Karen, Chin, Shan, tiah a rak irem mi kha ral ah a kan ser dih i, thleidannak fak taktak an kan ngeih. cucu Ne Win kan tei lo ruangah a si.

A cung kan harnak vialte hin kan luat khawhnak hnga dingah le kan nau kan fa le kan tu le hna caah Min Aung Hlaing cu kan tei hrimhrim a hau.

CDM le Mipi nih teinak hmu hram u sih.
Mawhchiat le Mawh kan phurh lo dingah nangmah le keimah tuanvo kan ngei dih.

Crd: Cung Bawi (Hellen Pa)
S.Korea
2021.2.25

Video

Be First to Comment

Leave a Reply

Your email address will not be published. Required fields are marked *