Press "Enter" to skip to content

Na zumh ah cun:Na nung lai ti si bantuk in’Trump nih teinak hi a coh hrimhrim lai.

Supreme Court ah ruahchannak nganpi cu Trump caah a um cang. Donald Trump legal team hna nih state dangdang ah tazacuainak an tuahmi cohlang lo hmanh hna sehlaw Supreme Court cu innka kaupi in ai on tinak asi. Supreme court tu hi ruahchannak nganpi a um. US Constitution ah President thimnak kong hi alam pahnih a um.Pakhat cu thimnak kongah hin Supreme Court nih biachahnak atuah khawh.

State kip vialte hna cu vote a hman maw hman lo timi zohding le vote a dikmi lawng cohlang dingin nawl a chuah khawh. Aharh asi ahcun thimnak zong tuah tthan khawh ding tiangin nawl an chuah khawh. Atu Supreme Court ah hin Democrats lei in Justice pathum lawng an ngei i, Republican cu paruk an ngei. US ah hin biacaihtu hna cu party hoih in an chuahpi tawn hna.

Cuchungah atu minung pathum le bang cu Donald Trump nih athim, mi an si. Ahnu bik thimmi Amy Coney Barrets zong kha Trump nih atimhmi asi. Hi konghe pehtlaiin Trump legal team hruaitu lutlai asimi Rudy Giuliani siseh Sidney Powel le adang hna nih cun Supreme Court kal dingin timhcia kan si tiah press conference ah an chim. Jenna Ellis nih thawngzamhtu hna cu zeibantuk thawngzamhtu dah nan si timi kan theih dih hna,

Thimnak kongah vote suaksam a um lo, tehte zong nan ngei lo tiah lih le hrawkhrawl in thawng nan zamh tawn, Tehte hi tamtuk kan ngei i, mithmutu zong minung azaza in kan ngei hna. Asinain an nun himnak dingah nan hmai ahcun kan chuah rih lai lo. Biacaih zung ah a chuak dingmi lawng an si. Democrats party nih vote an karhterning vialte siseh Dominio seh hmangin Trump vote kha Biden vote ah kalter mi hi million asining siseh video le evidence tampi siseh vote karhter nak ah aa pehtlaimi hna nih chiatserh in bia an phuannak thong renglo,

Catlap tlap 238 tluk a chahmi he Supreme Court ah kan kal pi lai. Supreme court kan kalpinak ding aruang cu kan ram le miphun himnak ningcang tein kalpi lengmang humhim kan duh caah asi. Cucu America mipi vialte hna nih thei dih hna seh ti kan duh, Hi thil nih hin kan miphun hmailei a chimh lai. Tutan vote ningcang lo a umnak aruang cu Election official hna ruang ah a sitimi hi thawngzamhtu nan si bangin lih lawng chim loin biadiktu nan chimphuan lai tiah ruahchannak ka ngei.

Hi thil dik hi nan langhter lo zongah tehte tampi kan ngei tihi rak thei uh tiah athuat chih hna. Court nih biachahnak cu atuah te ko lai i, Congress nih President ding cu thimnak atuah te lai. President thim ding ah state aiawh in minung pakhat cio an si lai. State 50 asi i, Congress minung 50 an si lai, an mah nih president cu an thim lai. State 22 hi Democrat nih an control cuahmah i, State 26 hi Republican nih an control cuahmah ve.

Atangmi state cu biacaihzung kalpi lio asi caah afiang rih lo. Cucaah president konghe pehtlaiin thiamsang, French Constitutional expert siseh Stanley Johny le adangdang hna zong nih Donald Trump hi tutan thimnak ah US president cu a si tthan in, atling tthan ko lai tiah an zumh. Hi konghe pehtlaiin Eye Opener Channel nih alanghtermi cu Dominion Voting company hna nih hin Georgia state i election kongkau ah hruaitu lutlai asimi Brad Raffensperger cu 106 million in zik an nawh tiah report ah an langhter.

Hi ruangah Georgia state nih Biden cu teinak an hmuhter i, Donald Trump atlin lonak dingah thil an tuah. Vote reltthan zongah vote audit nak aum lo caah atuhi Donald Team hna nih court ah an kalpi nak hi asi. Nevada state ah vote an reltthan mi zongah Georgia state bantuk thiamthiam in Republican inspector hna cu pee hra hlatnak ah an umter hna, Vote an relning adik maw dik lo timi zong an hmu kho lo ti asi.

Be First to Comment

Leave a Reply

Your email address will not be published. Required fields are marked *