Press "Enter" to skip to content

Number 33 hi zei bantuk sullam dah a ngeih timi zoh tikah Pathian nih a tuahmi biakamnak he ai pehtlaih ning tlawmpal

๐—ก๐—ฎ๐—บ๐—ฏ๐—ฒ๐—ฟ ๐Ÿฏ๐Ÿฏ ๐—ต๐—ถ ๐—–๐—ต๐—ถ๐—ป๐—บ๐—ถ ๐—–๐—ฎ๐—ฎ๐—ต ๐—ฆ๐˜‚๐—น๐—น๐—ฎ๐—บ ๐—ก๐—ด๐—ฒ๐—ถ ๐—›๐—ฟ๐—ฎ๐—บ ๐—ฆ๐—ฒ๐—ต
=========================================
A ta a simi, vawlei mi vialte zungzal nunnak an co khawh nakding le an ram Vanram an kir khawh nakding ah Jesus nih dohthlennak a tuah i kum 33 a si ah Kalvari tlang in a rian cu a rak lim. A teinak ah teitu a si vemi zumtu vialte nih ni tin, kum tin kan lawmh. Vancung ah kan lawmh chinchin te lai.

Cu he pehtlai in Bible ah namber 33 hi zei bantuk sullam dah a ngeih timi zoh tikah Pathian nih a tuahmi biakamnak he ai pehtlaih ning tlawmpal in ka vun char;

๐Ÿญ.) Cathiang ah Noah min 33.nak ai แนญialnak zawn ah Pathian nih zeitik hmanh ah vawlei hi buanchukcho in ka แนญawl ti lai lo tiah bia a kamh i chuncha in a fehter (Gen 9:12-16).

๐Ÿฎ.) Abraham kum 99 a tlin ah min voi 33.nak a lang i cu ah cun Pathian nih a biakam a tlinter le Isak cu an hrin (Genesis 21:1-2).

๐Ÿฏ.) Bible thiang hi Pathian tiin (Israel in Elohim) Genesis 1.nak khan ai thawk i hi sernak tuanbia cauk chung ah Pathian timi voi 33 a lang. 33 hi namber holh in cun “Amen” tinak a si tiah Bible Study Org. nih a แนญial.

๐Ÿฐ.) Jacob min a voi 33.nak a langh ah Pathian nih bia a kamh ve; โ€œKeimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai. Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai. Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi แนญhan lai. Kan chimhmi vialte ka tuah dih hlanah cun nangmah cu kan kaltak lai lo,โ€ tiah a ti. Gen 28: 10-/13-15

๐Ÿฑ.) David cu Saul a thih hnu in siangpahrang a si i kum sarih le cheu hi Judah siangpahrang lawng a rak แนญuan. (2. Samuel 2:4, 5:1 – 5, le 1. Chanrelnak 3:4, 29:27). Cu hnu lawng ah a tangmi Israel miphun hna nih khan an siangpahrang ah an rak ser ve. Cucu Jerusalem khuapi a tuk i a tei hnu lawng in Israel miphun vialte kha a funtom khawh hna caah a si. Cu khuapi cu “David khua” tiah auhbeh a si i kum 33 a rak uk. Namber 33 nih David Arfi khi a aiawh ti a si.

๐Ÿฒ.) Jesus a chuahkehnak an zawt tikah Adam in siangpahrang David khi chan 33.nak a si.
Mirang kut in zalonnak kan hmuh hnu ah Chinmi zeimaw nih dohthlennak cu an rak tuah ko nain 1988 i rak dirhmi Chin National Front bantuk in sau a nguhmi an um lo. Harsatnak phunkip lakah a si khawh tawk tein dohthlennak a tuahmi a si. Nunnak tampi a liam cang. Asinain hmuitinh kan phan rih lo.

Chinram cu Jacob sin i Pathian nih ram a pek bantuk in A kan pek vemi ram a si. Kan ram cu Noah sin i buanchukcho in แนญawl ti lo ding bia a kamh bantuk in thisen in แนญawl a duh ti lo. Abraham sinah fapa a kamhmi a tlinter bantuk in kan miphun dohthlennak kum 33 a tlin kum ah Chinram a funtom kho ding pasal แนญha a kan pek. Pathian min voi zeizat dah kan chim ve, timi belte biahalnak tuah ka duh.

Siangpahrang David tuanbia zoh tikah Kum sarih chung Judah siangpahrang lawng a rak si, nain a hnu ah Israel miphun vialte siangpahrang a si. Mah nih a kan cawnpiakmi cu nihin Chin miphun vialte a funtom kho ding, Chin miphun lung a rual kho ding hruaitu bu asiloah pasal แนญha hi CNF kum 33 tlin ni ah a biapi bikmi a si tiah ka ruah. Chungkhar ta, pengtlang ta a si lo nain cu phun in rianแนญuannak vialte a um si ahcun ngol kum si sehlaw Chinmi i funtomtu si cang seh. David dohthlennak cu ai แนญhencheu dih cangmi Israel miphun vialte funtom a si bantuk in Chinmi kam dohthlennak hi chak thleng, rawn le tlaang miphun pakhat a funtom khomi si hram seh. Cu lam dah ti lo khuakhan lairelnak a ser kho ding lam um lo.

Cucu kan herhmi a si. IT chan a si, vawlei a bi tuk cangmi chan ah milu tlawmte Chinmi pehtlaih lungrualnak, kan i hrawm khawhmi thilri, holh (dawtnak) le sinak hi a hman zia kan thiam a si ahcun cucu kan dohthlennak hlawh a tlinnak ding a muru a si ko lai tiah Chin miphun dohthlennak cu kum 33 hin dong cang seh ti thlacamnak he,…
Pathian nih Chinram huppheng in thluachuah pe ko seh. –

Crd: Bawimang Lian

More from THEIHTLEIMore posts in THEIHTLEI »

Be First to Comment

Leave a Reply

Your email address will not be published. Required fields are marked *