“Nan I Dawtnak Cu Khrih Jesuh Ah Hram Bunh Hram Ulaw Nan Lai Ah “Jesuh Cu Um Koseh !!
“Nan I Dawtnak Cu Khrih Jesuh Ah Hram Bunh Hram Ulaw Nan Lai Ah “Jesuh Cu Um Koseh !! Ka dawt mi ka miphun nan unau in a tulio ram buai le kan miphun mah le inn le lo le ram hmanhah um ngamlo in an um lio le an zaam cuahmah le an thih cuahmah pinah hliam an tuar hna lio ah,nan unau karlak ah vancung in van mithiang hna nih an hlonh i hi vawleicung ah nawlngeihnak sangpi a ngei mi,Lusifar nih nan thinlungchung ah thuukpi in rian a ttuan caah,”KEIMAH”ti mi lungput kha vancung in vawlei ah an rak hlonh phahnak lungput cu an ngeihter hna i,cu nih cun nan iruahlopi in an holhter hna,kha lio ah khan nan pu,Lusifar cu a zapei aibengh i a mirh zuar ko khah.
Ka nau le hna a tu dawtnak he ka ttial mi hi ,Khrih sin i Thlacamnak he rak rel ulaw,Bawipa sinah ngeihthiam rak hal ulaw,nanmah pakhat le pakhat zong ngeihthiam rak i hal uh,a tulio ahcun,keimah ka palh a ti hmasa mi paoh mi a teitu an si ,nan lai ah,Jesuh kha chia ulaw a mah nih nan nun cu uk hram koseh.Cuticun a tulio kan dirhmun ah hin rak cawlcaangtti dingin kan ,Bawipa min in kan nawl hna.
Baibal Kaa cherhchan mi: A donghnak ah ka u le ka nau hna, nan lungthin kha a ttha mi thil le thangtthat awk a tlak mi thil in khah ter hna u: a tak tak a si mi thil, a sunglawi mi thil, a hman mi thil, a dawh mi thil le upat awk a tlak mi thil in khah ter hna u (Phil. 4:8).
DAWTNAK,LAWMHNAK,DAIHNAK,LUNGSAUNAK,ZAANGFAHNAK,ṬHATNAK,ZUMHNAK,TOIDORNAK,MAHLE MAH I TEI KHAWHNAK,te hna hi an si. Mithiang Paul nih dawtnak ka ngeih lo ahcun “zeihmanh” ka si lo tiah a ti.Jesuh nih “nunnak” nan ngeih nakhnga ka ra, a ti (John 10:10). Paul nih nan “nunnak” cu Jesuh a si, a ti (Col. 3:4). Paul nih “nun” hi ka caah …Khrih a si,a ti.“Pakhat le pakhat aa daw lomi nih cun Pathian kha an hngal lo, zeicahtiah Pathian cu dawtnak a si.” 1 John 4:8
John nih “hngalh” kong a chim tikah, thluak in hngalhnak khi a chim duhmi kha a si lo, hrin ṭhannak kong tu a chim mi a si. John nih “Pathian hngalh le Hrin ṭhannak hi aa khat, a ti. Hihi John nih a uar ngaingai mi cawnpiaknak pakhat a si (John 3). Paul tu nih cun “ser tharmi” tiah a hman deuh tawn.
John nih Pathian ka hngalh nan ti i nan i dawt ṭung lo ahcun nan hrin ṭhan lo, a ti. Nan hrin ṭhannak kan zum hna lo, ti tluk khi a si. Aruang John nih a chim. Pathian cu dawtnak a si caah Pathian fa a simi nih dawtnak ngeih lo khawh a si lo, a ti. Amen.Fil.4:13, Tthawnnak a ka petu Khrih chung in zeizong vialte ka tuah khawh” tiah Paul nih a ti. Khrihfa si i nun khawhnak taktak cu Jesuh Khrih a si .Amen!
Note:Hi ti ka ttial tik ah hin pakhat le pakhat nan i dawt cang mi kha,minung i dawtnak men i aai daw mi lawng si ti lo in,Khrih sin i a chuak mi,Dawtnak in nan i dawtchinnak dingtu ah caang hram selaw kan miphun nih a tunak sang deuh in zohchun mi le bochan mi nan sinak lai,duhsaknak kan peek chih fawn hna.HI kong i ka palhnak a um a si le nan duhloning a si sual ahcun nan ka ngeihthiamnak lai zong kan nawl chih fawn hna.Bawipa nih thluachuah in pe veve ko hnaseh. Kai lawm . Tinduh Thang
