Press "Enter" to skip to content

Nancy Dawt Chin Sung Pyithuh Hluttaw Hmaikal Salai Van Bawi Lian Vote Pek Bak Ding

Kum 2010 siseh, kum 2015 thimnak ah palai a dir ngammi mino kan um lo. Cozah rian cei le cim in a tuan cangmi (Cheukhat cu pensen pek cangmi) kan pa le cheukhat le kum upa deuh an si hna cucu a luancia thimnak nehhnu zoh ah fiang tuk in kan hmuh khawh. Cu nih kamkhat leiin a langhtermi cu “Mino khoika dah an um?” ti hi a si. “Ziah nihin mino thaizing hruaitu”nan kan ti tung. Chunhthah i khengbel fimtu le saruh le ttilttawt a bawhmi uico tthawltu men ah mino nan kan hman. Kan thazaang cu nan duh ngai. Asinain, miphun rian khinh nan kan timh lo. A thatnak savo paoh lak nan itim peng rih ko.

Theih lengmangmi le chim lengmangmi miphun pakhat a tahfung a simi mino kha cawithlir, cawnpiak le dirkamh silo in rianfial chukchok ah nan kan hman i, rian cawnpiak nan kan tim lo, rian khinh nan kan tim lo. Tutan thimnak ah thantlang peng, Pyithuh Hluttaw in ai zuam dingmi Salai Van Bawi Lian mino diktak tel hi cu thangtha lawlaw in rak kan cawithlir piak ve uh. Kan thiamhlei, kan fimhlei tinak silo in riantuannak hmuhton tampi a ngeimi nih rak kan tthihruai uhlaw kan cawnnak, kan thiamnak nih a tlinh lo zongah raltha tein miphun caah a dirngam ding mino kan si ko.

1. Chin Mino nih kan I zohchunh dingmi ramkhel hmaikal (tteih-sit) a si:“Ralthuam rak kan zalh uhlaw raltuk nak hmun ahcun rak thlah ve tuah ko uh” ti hi si ko. Fimcawnnak a zatawk a ngeimi, pawcawmnak rian a ngeimi mino nih nihin boruak a rit tukmi ramkhel ah kai peih lai a ti ngamtu hi upat lo awk a tha lo. Salai Van Bawi Lian nih teinak a hmuh ah cun Chin mino ramkhel rianttuan dingah kan ral a ttha chin lai, chin mino tampi caah lamsialtu a si lai, ramkhel ah mino hmaikal (tteih-sit) a si lai. Kawl tampi a kan sut piak khawh dingah mipi nih kan dirkamh herh.

2. Eihmur (Corruption) a doh bakmi a si : “Chin ramkhulh ah eihmurnak ka doh lai” tiah a au ngammi van chuah pi tuah hna usih. Cozah a tuan cuahmahmi hna hmanh nih a min fak in an auh ngam lomi cu “Eihmur” hi a si. Amin din ah “Laksawng” an ti. “The Asia Foundation” nih hlathlanak a tuahmi report ah Chin State cu eihmurnak (Corruption), le ningcanglo phaisa i peknak le halnak ah top-10 cazin ah kan um. Eihmur nak kan doh lo paoh ahcun kan thancho ning a khulfum tuk la, ramchung minung nuncan ziaza zong a rawk thluahmah lai, kan ram a ttumchuk la. Nihin ah kan ramchung ah zeitluk in dah eihmurnak kan ibuaipi ti cu kan tappi le lungthu nih theih tuk ko khah! Eihmurnak a dohtu ding mino hi vote pe ko hna usih.

3. M.A Palai a si: Ramhruaitu hna kan zoh tik hna ahhin fim cawnnak nih hin tampi a phihkhar hna ti cu al awk tha lo a si. Centeral cozah i hluttaw a va kai tik zongah kan mithmai a bi lo rengreng; M.A pakhat hme si cu.., Tutan kan thimmi Pyithuhhlutdaw Palai (Mino hmaikal) hi fimcawnnak ah M.A dawh a si cuh.

Vote CNLD
Vote Salai Van Bawi Lian
Pyithuhhlutdaw Candidate

Be First to Comment

Leave a Reply

Your email address will not be published. Required fields are marked *