Press "Enter" to skip to content

Ngaihchia Tuk Si Ko! Min Aung Hlaing Nih PDF Sakhan A Lak

Sagaing ramṭhen Mongwa peng Lay Zin khua ah a ummi tualchung PDF sakhan cu Jan 17 zanlei 4:30pm hrawngah ralhrang nih an nam. Ralhrang hna hi 200 hrawng an si i hriamngan he hriamhme he an kah hna caah PDF nih an sakhan cu an chuahtak tiah theih a si.

Tualchung PDF hruaitu pakhat nih “Chungkhar citmi mawṭaw in an ra hmasa i minung tlawmte an umnak khua i kan sakhan cu an kan nam. Hriamngan in an kan kah colh. Minute 10 hrawng a rauh hnuah ralhrang mawṭaw 10 an phan chap. A zatein mawṭaw 20 leng an si, minung in 200 renglo cu an si lai” tiah a chim.

Thzaang tampi he Lay Zin khua ah a lutmi ralhrang nih cun khuami cheukhat an tlaih hna i an thah hna tiah tualchung PDF hruaitu pakhat nih cun a chimchap. An tlaihmi le thah hi zeizat dah an si ti fiangin theih a si lo.

Lay Zin khua hi ralhrang nih hmunhma zohfelnak kan tuah tiin atu le atu an luhhnawhmi khua a si. Ralhrang an luh paoh ah khuami tam deuh cu an zam lengmang. Sagaing ramṭhen Northeast Command (အနောက်မြောက်တိုင်းစစ်ဌာနချုပ်-နမခ) he meng 10 hrawng aa hlat i Mongywa khuapi he cun meng 1 hrawng lawng an i hlat. Inn 1,000 le milu 6,000 renglo an umnak khua a si. Ref: The 74 Media, the chin post

Relchap; Chin ramkulh Falam peng Falam-Kalay mawṭaw lamkam ah a ummi Parte khuami tar 7 hna cu Jan 17, nizan ah ralhrang nih an tlaih hna tiah theih a si. Parte khua le an pawngkam Lumbang khuami hna cu ralhrang ṭih in an zam dih hna i a zam kho ve lomi tar lawng an taang.

Jan 18, tuzing 8:30am hrawngin Falam peng Tuiphei khua pawngah ralhrang le CNDF an i kap ṭhan i ralhrang 4 an thi tiah CNDF sin thawng kan theih. Laknak: The Chin Post

Be First to Comment

Leave a Reply

Your email address will not be published.