Press "Enter" to skip to content

Ngeichiat nak phun2 laimi nih tutan ah kan ton mi.

1. Aung La N Sang nih sunghnak a hmuh caah kawlram mipi kan ngeih a chia dih..

2. Kan farnu Ester nih Khrihfa a simi kan Laimi phun sining he a kalhmi thil a tuahmi ruangah Laimi Khrihfa a simi mi tampi cu kan ngeih a chia dih..

3. Pathian fa ka si kan i ti tung i sualnak kan tuah lenglang mi hna hi zeitluk in dah Pathian a ngeih kan chiatter lai tihi a ka ruahter ngai. A ruang cu Cathiang nih, “Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Mithalopa nih khan a tawng kho lo,” tiah a ti. ( 1Johan 5 : 18 ). Cu pinah, “Keimah kha teitu ka si i ka Pa pawngah a bawithutdan cungah ka thut bantuk hin, teitu a simi cu ka bawithutdan cung i ka pawngah thutnak nawl kha ka pek hna lai,” tiah a ti. ( Biatham 3 : 21 )..

Bible rel huammi caah;-

* Salm 85 : 8 – 12
– Bawipa Pathian i a chimmi bia cu ka ngai lai, hruh lam a simi lam, kan lam kha kan zulh than lo caah a mi kannih hi daihnak kha a kan kamh. Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai. Dawtnak le zumhawktlak sinak cu an ra ti lai; dinnak le daihnak cu an i tong lai. Minung nih zumhawktlak a sinak kha van leiah a kai lai i Pathian dinnak nih vancung khin a run zoh lai. Bawipa nih kumvui tha a kan pek lai i kan ram nih rawl tampi a chuahter lai..

* Johan 14 : 23
– Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai..

* 1Johan 3 : 1 – 4
– Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si. Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo. Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai. Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve..

Careltu nan dihlak cungah Bawipa Pathian nih damnak le hlawhtlinnak thlachuah in pe ko hna seh..

By:Johnly Fambawl ‭‭

Relchap a zuam mi hna caah:

Thantlang khualu viewpoint pinlei deuh ah a um mi Haukaubung cu mikip nih va lenkai nak ah hmancio a si . Cuhlan ah cun haukabung ah va kal in eiding tete hna i ken in vai i dinh nak bantuk le nungak tlangval cazong ah biaruah nak le i hmuhton nak tete ah hmancio a rak si . Asinain Haukabung ah si-kan ngeilo in a tlawngleng mi le mah eimi hnawm hmanh tha tein fimtawl ta um lo in thurhnawm ngai in a hmun ah kaltaak lengmang a si tik ah Haukabung tuangvo ngeitu CDO (Chin Disabled Organization ) lei in thawngthanh nak an tuah .

“Nungak tlangval nan si ah , midang a rak kan lengmi nan si ah haukabung ah hin nan eidin mi siseh thil dangdang hnawnthur tete chiah tak lo in sikan ngeite in rak kan um piak u . Zei ca tiah haukabung zohkhenh tu zong hi pum tlamtling lo kan si ve caah a thianh hlimh kan i harh ngaingai caah zangfah tein hi hnu cu thianghlim tein haukabung hi kan hman piak hram u ” tiah CDO lei nih thawngthanh nak an rak tuah .

Zei ca tiah mino thenkhat cu zu le beer i cawk in i ken riangmang in haukabung ah a va dingei mi tampi an um i cu an zudin nak nehnang vialte cu a hngaktu nih rak thianhhlimh piak chom lengmang a si tik ah an celh ve cawk tilo i thawngthanh nak le mipi nawlnak an tuah nak a si .

Sihmanhseh law mipi lei nih cu an thawngthanh nak cu zeirel lo in an um i nawl an ngei hlei lo i an duhpoah in haukabung ah va kal in ar an em , zu an ding , a hngaktu thing zong an hman i mei hna an kau tbk in an um tik ah a tu cu CDO lei nih warning tiang an pek cang hna i a tanglei bantuk in mipi sin ah ralrin nak an tuah ve cang.
Chin Disabled Organization (HaukaBung) Cu 2020-10-28 Ni ah Pumtling lo chungkhar hna nih kan thianhhlimh dih . Ngaknu tlangval pawl zong nih thawng kan in thanh hna nak le kan in nawl hna nak nan theih cia asi. Arak kan lrng mipoh nih nan ikrn mi nan hnawm tam kanhlonh piak ta cio uh tiah kan in nawl peng hna.

Sihmanh seh law. ..nawl ngai loin nan i kenmi hnawm cu ningcang loin nanhlonh ta peng caah. ..pumtlinglo nan hawi le hmun thianh hlimh nak ah kanba ngai ngai. Cu caah. .arak kan leng mi pih nih (1)Nanmah duh in um angah tilo. (2)Arak kaimi nih Zu ken in Zudin angah tilo. (3)Eidin ttuktak iken in Eidin angah tilo. (4)Hika hmun ah Khuachung in Ar le Arsa van Ken in chumhchuan le eidin angah tilo. Nan ngaih lo ah cun. …( )CCTV record in kan In phozar cang hna lai.
Source : Tuanvo ngeitu “Thawng Hnin”

Be First to Comment

Leave a Reply

Your email address will not be published. Required fields are marked *