Ngeih Chia Tuk Si Ko : Hakha University Siang In Chung Ah Ralkap Nih Um Nak Hmun An Khur Cang

kan laitlang i hi bantuk thawng vun theih cu ngaih a chiatuk si ko cang. Mipi zawng nih biatak te le raltthat nak he kani ralrin taktak aherh tuk cang koHakha University hmun chung ah ralkap nih umhmun an khuar. Chin Ramkulh, Hakha khuapi, Hakha University hmun chung ah 2021 March 7 zaanlei suimilaam 2:00 hnu in ralkap nih umhmun an khuar cang tiah theih a si.

Hi bantuk in, Hakha University ah ralkap nih umhmun an khuar mi kong he pehtlai in University chung riantuan pakhat nih, “Kei cu zeihmanh ka thei lo. Sianginn lei upa he an i chawnbia i a si lai. Cun, atu an rat i umhmun an khuar zong hi atu cu mei kangh ti bantuk pawl a um lengmang tik ah security ca ah an rat mi a si lai,” tiah a ruak nak a chim ve..

Ralkap nih University hmun chungah umhmun an khuar ca ah University chung a um mi siangngakchia cachim le riantuantu hna zong a dang ah an i thial dih tiah kan theih. Cun, Chin State Administration Council Chairman Pu Ngun San Aung nih, “Kei cu zeihmanh ka thei lo. Keimah lei chawnhbiaknak a um lo. Atu an kal mi hi cu security ca ah a si lai ti ka ruah ko,” tiah a chim ve.

Hi bantuk in Sagaing Ramthen Monywa University, Kayah Ramkulh Luai-kaw University chung ah ralkap nih umhmun an khuar nain mizapi lei nih an duh lo ca ah an i thial than tiah theih a si. Cun, Hakha University sianginn principal Dr. Lian Za Khup nih, cun“kei cu Pakhat hmanh ka thei ve lo. Ramkulh council lei nih an tawlrel mi a si lai,” tiah a chim ve.Hi bantuk in Ngun San Aung Le Principal Dr.Lian za khup nih an chim tikah hin zumh an hartuk ko. Source: The Hakha Post