Ni Hin CNF/A Ralkap Le Kawl Ralhrang Hna Ani Biak Nak Ah, Mipi Lei Ruah Nak Tlawm Pal
CNF/A le ralkap kong update, The Hakha Post nih, “CNF/A le kawl ralkap Tlangpi khua ah an i tong,” timi kha Tlangpi ah si loin lampi ah an i tong tiah thawngfiang an vun kan thanh than. Hmasa deuh kan tialmi kha nan kan theihthiampiak naklai kan in nawl hna.
Ralkap le CNA/F biaruahnak an ngeih dih hnu ah ralkap camp ah an lan. 2021 March 10 Chin National Army/Front le ralkap pawl cu ton biaruahnak an ngeih hnu ralkap cu CNF/A camp lei ah an lan tiah theih a si. Hi kong he pehtlai in Tlangpi khuami pakhat nih, “Nihin kan khua Tlangpi ah biaruahnak an ngei hna. Ralkap lei nih nan camp ah len kan duh ko tiah Dr. Sui Khar sin ah an hal nain Dr. Sui Khar nih a duh lo.
Biaruahnak an ngeih dih hnu ah lenh hrimhrim kan duh ko an ti than i an len. Atu hi ralkap cu camp in an rak kir lio a si. Amah Dr. Sui Khar le a hawile dang tu cu Hakha lei ah an lan ve. Thinphan awk cu a um lo,” tiah a chim.
Nihin CNF/A le ralkap bia i ruahnak ah ralkap lei hi motor le motorcycle in minung 40 hrawng an si tiah kan theih. Bia an i ruahmi a si khawh chung in hlat le thawngthanh kan rak in zuam than hna lai. Credit: The Hakha Post
Chinlan Club member vialte hna tuchun Camp lei Kawl Ralkap an rat kong ah nan lung re a thei tih thawng kan rak thei. Kawl Ralkap hi Camp Victoria le kaa dang dang um mi kan Camp ah an rak ra tawn ko. Kan hnatlaknak ah cun zarhkhat thawng i thanh cia siseh kan ti. Cu cu kan zulh tawn. Tu chun cu thawng an kan thanh bak in an rak i thawh cawlh. Camp um kan pu le nih an tawn hna i mui hlan ah an kir tthan cang. Camp an ra kan titik ah Camp chung si lo in Farkawn kainak Tio kam ah a si. Cun vawi dangnak in tuchun cu a ra mi an tam deuh.
CNA cawlcang ning le an um hmun biatak ten an va ngiat duh ah si ko lai tiah Chinmi cheukhat nih cun an ti cio. Ralkap bu pakhat si ve ah cun mah le um nak hmun pi cu mah ral a si mi cu luhter phung a si lo hrimhrim. NCA cu pehzulh lo ding in hnatlaknak an tuah cang fawn. Kum 2015 hrawng ah Kawl ralkap pawl an rak luh tlawmpal ah Min Aung Hlaing nih NCA meeting ah CNF zong nan luh lio ah minung 700 kan si nan rak ti. Asi nain tu kum 5 long rau nain minung 300 zong nan tling nai sai loh tiah a rak ti hna.
Cu caah turan zong NCA pehzulh lo dimg in biachah nak an ngeih cang caah ngiatthlai deuh asi kho men ko…Ready tein kan um cio ko cang hna..Kut khat tum bu in kut khat in kut tlaih peng a rak si ko ralkap he cun mu..a caan te asi ko. Kawl ralkap cu chimh loin Kawlmi hmanh a zumh zumh lo ding an si cang. Chin miphun nih Kawl pawl sinah cun biatak tein kan i ralrin thiam abiapit tuk hringhran.
