Press "Enter" to skip to content

Ni Hin Ni Tiang Khrihfa Mi Hna Nih Donal Trump Cu Thla An Cam Piak Peng Ko Rih

A tu lio kan vawlei cung nih kan cawnh dih mi cu USA thim nak hi a si. Biden maw cak lai Trump dah ti hi theih fiang a si rih loh, Vote rel nak ah cun ni hin tiang ah cun Biden nih a tei peng ko rih asinain a donghnak taktak ah cun mizei nih dah tei nak a hmuh lai i, US rampi a hruai lai ti cu theih fian a si rih loh. A tu tiang ah cun USA long si lo in vawlei pumpi nih Trump caah thla an cam piak peng ko rih. Teinak cu Bawipa ta si hram ko seh.

Thawngpang dang relchap >>>>>

Mahtluk Pitar Kum 80 A Tling Cang Mi Hna Hi Ruang I An Thah Mi Hi Cu Lung A Fak Kho Tuk

Myanmar ram Pago ramthen Kywe Phyu Mah khua i thil cang mi a si i,pitar kum 80 mi cu minung pahnih nih sui tumbul duh ruang ah an thah. Sui tumbul an lakpiak hnu ah a ruak cu ramlak ah an hlonh i cu a ruak cu ruhro a can hnu ah biafiang an theih.

October 25 ah Kywe Phyu Mah khua pawl nih an khua leng ah ruhro an char i nu thilthuam zong a um chih. mah bak cun a rianran nak in palik an chimh colh hna i, a ruh cu an check i October thla thok i a rak tlau mi pitar kum 80 minung i a ruh a rak si nak kong cu fiangten an theih.

Pitar chungkhat pawl zong nih an intang a it mi pitar a rak tlau nak kong cu October thla thokah palik an rak theihter cang hna. A chung le pawl zong nih sui tumbul a neih nak kong cu palik pawl an rak chimhcang hna i cu ruhto an hmuh nak zawn ah cun sui tumbul cu an hmu loh.

Cuti cun,sui tumbul a cawk nak dawr min le sui tazeih hmang in palik pawl nih cun, pawngkam minung sin ah dothlat nak an tuah i, sui zuar mi an um maw tiah an hal thluahmah hna.Palik pawl nih sui tumbul a zuar mi an kawl hna timi cu,Kywe Phyu Mah khua pawng Way Kyi khua i a um mi U Thuang Lay nih a theih i, a sin ah sui tumbul a zuar mi an um tiah palik sin ah cun a chimh hna.

Sui tumbul zuartu cu Kywe Phyu Mah khua mi Bo Sai ( kum 31 ) timi a si i palik nih an lunghrinh ruang ah thil sining an hal. Bo Sai nih cun a hawi pa Toy Win he zan khuamuih hnu ah pitar ai hngilh lio i an va thah nak kong le sui tumbul an phawih piak i an thah nak le a ruak an hlonh nak kong cu palik sin ah a chimh hna.

Curuangah Bo Sai le Toy Win cu palik nih lainawng case an siampiak hna i, phunglam ning bantuk in an bia ceihpiak ding ah an hruai colh hna. (Myanmar News Journal)

Be First to Comment

Leave a Reply

Your email address will not be published. Required fields are marked *