Nihin Chun Kalaymyo Ah Ralkap nih Meithal An Hmet Puak I minung tam lakte Hliamhma an Tuar
Myanmar ralkap thuneihnak duh loin Kalaymyo ah lamzawh duhphorhnak nei cu ralkap in March 2 sun ah meithal an hmet puak thok ih hliamhma tuar tamzet an um tiah theih a si. Palik lam cun lamzawh duhphorhnak nei pawl dawitlan dingah ralkap tuanvo an pe fel zo ih ralkap lam an cangvai thok.
Meithal ih kah ngahmi an um hnuaihni ih rel dan bang lo culci lo ah a malbik mi 5 hrawng cu meithal ih kah ngah ruangah hliamhma tuar an um. Cumi lakah pahnih cu an dinhmun a tha lo zetih pakhat sawn a pum ih an kah ngahmi tla cu a thi zo tiah thu a darh man. Asinan a thaw a um lai tiah theih a si.
Hliamhma tuar pawl cu Royal City sizung ah theitawkin tuamhlawm rero an si. Lamzawh duhphorhnak nei pawl cu ralkap le palik hmaitong bupbo lo dingah theihter an si ih ralkap le palik hrial thiam in a cangthei tawkih lamzawh duhphorhnak nei ding le fimkhur dingah theihter an si.
Kalaymyo ih meithal a puak hnuah YCW tlawng neitu Sayakyi James Dar Ro Thang cun “Kalaymyo ah Martial law an puang thu Ralkap mawtaw in loudspeaker thawn an au rero. Ralkap le Palik hmaiton in nor duh hlah uh. Ralkap le Palik ramsa pawl hmaiih sandahpiah umzia a um lo. Ralkap le Palik um lonak hmunih sandah na piah khalle Leitlun in Satellite in an lo hmu thotho. Thisen luang le kaih tonglo dingin hmundang ah feh hram uh. kan neh thotho ding. Nitin sandahpiah ih cozah hnaihnok tuah a thupi sawn,” tiah a tarlang cih ve a si. vapualauaw
