Press "Enter" to skip to content

Nihin Kahdohnak Ah SAC Ralhrang Cei Tuk In An Sung

Sagaing ramthen, Pale peng Khin Aye khua ni chuah lei ah ralhrang le Mizapi ralkap (PRA ) hna kahdohnak a chuah i ralhrang lei in 8 an thi. Tuni December 9 zing sml 11:50 ah a kahdoh nak a cang i ralhrang lei in 8 an thi i 4 an hliam tiah PRA nih nizan zaan 8 : 30 hrawng ah cathanh an chuah.

Magwe ramthen Kyaw peng in kee in an ra mi ralhrang tatmah (11) kut tang Khah- Mah – Yiah (217) thazaang (90) hrawng hmunhma thianh ding in an chuah lio ah kahdoh nak achuah hi a si. Minute 40 hrawng kahdohnak a chuak PRA ralkap pakhat hliam a tuar i a nunnak caah thinphan ding um lo tiah an langhter. Crd; The Chin Post

Sagaing ramthen Monyua khua Tamatan mei tung pawngah nihin December 10, zinglei ah puahkehnak a chuah caah mipi leiin minung 1 a thi i pakhat nih fakngai in hliamhma tuar tiah khuami hna nih an chim.

” Zinglei suimilam 10:00 hrawng ah meitung pawng ah puahkehnak a chuak, a thawng a thang taktak. Cycle in a kalmi pa pahnih cu ahliamh hna, pakhat cu a hmun ah a thi colh i pakhat cu a hliamhma a fak ngai, mizaw phor motor in an kalpi hna, meithal puah thawng zong kan theih cun khuachung ah pa pakhat zong tlaih a tong” tiah khuami pakhat nih a chim.

Nihin December 10, global human rights ni ah ramchung silent strike tuahmi ah Monywa khuachung motor lampi cu an kiang i, dawr hna zong khar an si lio ah a tu bantuk in puahkehnak achuak tiah khua mi hna nih cun an chim.Ref; BBC

Fakngai in kahdoh a chuahnak hmun Kanpalat khua ah December 9, ni ralhrang phu le Kanpalat mi zapi vengtu ralkap (CDF- Kanpalat) kar kahdohnak a chuak than tiah theih a si. Rallam a sialmi ralhrang phu hna nih Pakun khua minung umnak inn 7 cu mei in an khangh piak hna leng ah cycle 2 le thilri hna cu an hrawh an soksaam dih cun, an thilri hna zong an fir piak hna.

Kanpalat khua mipi hna nih phaisa kawlnak ah a bik in an tuahtuan chung in an cinthlak cia tawl-re-ba hna cu mei khangh in an hrawh piak hna. An hrawhmi dihlak hi tulio phaisa in sing 100 leng man a si. SAC phu hna nih meikhangh in an hrawhmi mipi umnak inn rawk mi hna cu kan langhter ko tiah Kanpalat peng mipi hruaitu phu nih nihin December 10 ah cathanh an chuah. Ref; Than Lwin Khet

Shan ramkulh thlanglei, Phekone peng, Kuang Wat khuami Ko Hla Win cu ralhrang tatmah (88) Nih rallam hmuhsak tu ah hman hnu ah an kahthah beh tiah khuami hna nih an chim.Ko Hla Win cu Ka Yann ca tial lei ah a cawlcang mi a si i November 8 ah ralhrang rallam sial in Kuang Watt khua ah an luh lio ah a mah cu an tlaih tiah theih a si.

Amah cu ralhrang nih an thil an hruk ter i lam hmuh sak tu ah an hman hnu ah ramlak hmun pakhat ah an kahthah beh.” A ruak cu an chek tik ah a keng ah meithal hma pakhat le a ke ah meithal hliamhma pakhat he fak taktak in a lu ah meithal kuang in an tuk nak ah a kuai nak hna hmuh asi ” tiah chungkhar hna sin in theih a si. Mah a ruak hna cu a rim nam hnu ah hmuh asi i a ruak thianh hlimh ding in kan zoh lio ah Ko Hla Win a si tiah chungkhat a si mi nih feh ter nak a tuah tiah theih a si. Crd; The Chin Post

Be First to Comment

Leave a Reply

Your email address will not be published.