Press "Enter" to skip to content

Nihin Kalay Le Ralhrang Dohnak A Ralhrang Lei Minung 17 An Thi I, PDF lei Zong In A Thimi An Um Ve>>>>>>

PDF Kalay le Ralkap Doawknak Ah Ralkap 17 An Thi Ih ,PDF Le Mipi Thi An Um Ve
=====================================

Tuini July 15 ah Kalay mipi humhimtu PDF le ralkap cu Tin Thar khua lamah sunvu ten an do aw ih ralkap lam thi 17 an um thu PDF kalay cun mipi theihternak an nei.

PDF Kalay cun “Tuini July 15 ,zinglam nazi 10 hrawngin Kalay peng Tin Thar khua , Kyauk Pho khua ,Do Nwe khua le Ashae Sae khua kiangkap ah ralkap in mipi an hnaihnok ciamco cu a kiangkap ih um Kalay PDF pawl in kan do ih zan nazi 7pm tiang doawknak a sosang tuk.

“Doawknak ahcun PDF kalay in ralkap 17 kan that nan, kanmah PDF lamin mi 2 cu ram hrang an nunnak an hlanih ralkap in ren lo tukin meithal an kah ciamco tikah mipi lakin 2 an thih phah. Tuih dinhmun khalah ralkap pawl cu Kyauk Pho le Ashae Sae khua ah umhmun an khuar hrih ih mipi pawl cu fimkhur dingah ka lo cah duh a si,” tiah ca an suah.

Kan dung khalah Ashae Sae khua kiangah kalay mipi humhimtu PDF le ralkap an rak do aw zo ih ,tuitum cu a hmun kel ah vei 2 an doawknak a si.

Crd: Vapual Auaw

Be First to Comment

Leave a Reply

Your email address will not be published.