Press "Enter" to skip to content

Nihin Kohdohnak Ah SAC Ralhrang Thi An Tam Taktak

Sagaing ramthen, MinKin peng, PhetKhet khua pawng ah ralhrang phu hna le Kani mizapi vengtu ralkapbu KLG le Minkin Mahura KyaukYan afonhmi phu hna nih bomb zun 2 an puahhnawh hna i ralhrang 25 an thi kho tiah KLG nih a thanh.

Tuni zinglei suimilam 8:00 hrawng ah bomb puah in an kah hna caah ralhrang 10 leng an thi kho, zinglei 11:00 hrawng ah an bomb in an kah than hna i ralhrang 15 an thi tiah Kani KLG phu nih cathanh chung ah an langhter. Crd; The Chin Post

Relchap; Yangon khua laifang Butathawng(ဗိုလ်တထောင်) peng Theinphyu(သိမ်ဖြူ) bu-choh lamcung motor pi-ke umnak hmunhma mei khanghpiak an ton caah nizaan zaan ah ralhrang phu hna nih cu ka hmun cu checkhlatnak an tuah tiah Yangon khuasa hna nih an chim.

Yangon - Wikipedia

” Motor pi-ke umnak hmunhma mei a kang mi cu hmuh a si, ralhrang le palik phu zong an um, cu ka hmun cu an zoh hnu ah an kal than” tiah Yangon khuasami pakhat nih a chim.

Cun south Okkalapa peng no.4 sang, Parami(ပါရမီ) lam ah ummi ralhrang phu kuttang um company ta si mi Parami (ပါရမီယာဉ်) YBS 14 line bus pakhat chungah November 29, zaanlei suimilam 6:30 ah puahkehnak a chuak tiah theih a si.

Behind the names of streets, roads in downtown Yangon | The Myanmar Times

” Nizaan zaan lei ah Parami(ပါရမီ) bus chungah puahkehnak a chuak tiah kan theih, puahkeh thawng zong a thang tuk a si lo, minung aa hliammi zong an um lo ralhrang le palik cheukhat an rat cu hmuh a si” tiah cu ka hmun pawng ah a ummi pakhat nih a chim.

Ralhrang phu ta si mi Parami(ပါရမီ) bus, Omini Focus bus hna cu i cit lo ding in le ralhrang thil chuah a simi hna cu hmanlo ding in dothlennak ah cawlcaangmi mino hna nih mi zapi sinah nawlnak cathanh an rak chuah cang. Crd; the chin post

Be First to Comment

Leave a Reply

Your email address will not be published.