Press "Enter" to skip to content

Nihin November 3, Mindat-CDF Le Rallokap Karah Kahnak Fak A Chuak Tthan, Hliam Le Thi An Tam

Tuni Mindat-Matupi kar i kahnak ah Ralkap 10 tluk an thi, CDF-Mindat in pakhat nih a nunnak a pek i Pahnih hliamhma an pu. Matupi in Mindat lei ah a kir tthan mi tank pahnih le ralkap motor 75 cu CDF-Mindat nih Mindat-Matupi kar lam hmunkhat ah an kah hna.

Cu kah nak ah cun Ralkap 10 tluk an thi i hliamhma pu mi an tam. CDF-Mindat lei in Pathum an hliam i pakhat cu a hliamhma a ngan caah a hmun ah a nunnak a liam. A dang pahnih hliamhma cu thinphan ding a um lo tiin CDF-Mindat chimphuan nak nawl ngei tu pakhat sin in kan theih. Ref; CDF MINDAT SPOKESPERSON

Relchap; September 20 lio, Kayah Ramkulh Demoso Peng, Meng 6 kahdohnak ah KNDF lei in Sai Phone Min Thant cu a thi i aruak hi ni 40 a tlin bak ah kan hmuh, tiah hringtu anu nih a facebook cahmai ah a langhter.

May be an image of 2 people, people standing and outdoors

Kum 20 hrawng a si mi Sai Phone Min Thant cu Mandalay GTI ah sianginn a kai lio mi a si i KNDF sin ah luut in ni 40 a tlin hnu lawng ah atu bantuk in aruak an hmuh, tiah People’s Spring nih a tial. Crd; The Hakha Times

Nihin November 3, Mindat Peng kahdohnak ah CDF-Mindat lei in kumkhua upa kum 73 (min langhter lo) nih nunnak a pek, tiah kan theih.mRalhrang lei in minung 10 hrawng an thi i hliamh mi an tam.

CDF-Mindat lei in minung 3 aa hliam mi lak ah kumkhua upa kum 73 cu a hliam a fak i a nunnak liam. Aa hliam ve mi minung 2 cu thinphang an si lo, tiah CDF-Mindat nih an thanh.

Be First to Comment

Leave a Reply

Your email address will not be published.